‘Cu e mega debe combina cu Covid 19 y e intencion di gobierno di Reino pa mishi cu autonomia Arubano ta hopi straño cu Staten no a expresa su mes na tanto Gobierno di Reino como na Staten Generaal!’
Constitucion di Aruba (Staatsregeling) capitulo 3 articulo 111.1 ta dicta cu parlamento/staten ta representahenternos pueblo di Aruba.
Constitucionalmente Staten ta e organo representativo mas halto di nos pais!!
Esey kiermen cu ora cu tin un crisis (enorme) ta wordo spera cu nos parlamento lo hunga un rol importante y clave den representacion di interes y preocupacion cu lo ta biba den nos pueblo y cuestiona e maneho di gobierno con nan ta atende cu e problematica aki. Y no solamente cerca nos propio gobierno pero tambe den Reino Hulandes cerca instancia manera Gobierno di Reino y Staten Generaal. (111.22)
Pueblo di Aruba realmente a wordo representa?
For di maart 2020 Covid 19 tambe yama Coronacrisis a drenta mundialmente y a afecta nos pais Aruba seriamente tanto pa locual ta trata nos riba tereno di salud publico como pa loke ta trata economia total di nos pais.
Algun vez durante e periodo aki por a tuma nota cu Gobierno a duna Staten un
presentacion di e situacion y con nan ta atende e problematica cu pais Hulanda of como Reino Hulandes.
E pregunta cu PPA ta desea di pone na atencion di Staten y na pueblo den e articulo aki ta si pueblo di Aruba a wordo corectamente y completamente representa pa nos colegio representativo esta Staten?
Manera ta conoci Gobierno di Aruba a ricibi algun asina yama ‘tranche’ di ayudo financiero for di Hulanda y ultimo Hulanda a dicidi di pone un cantidad di condicion cu ta encera dos ley di Reino (Rijkswet!) y un asina yama pakete di 18 condicion acompaña cu nan splicacion pa Aruba acepta. E condicionnan ta mishi cu autonomia di nos pais y kier mishi cu nos moneda cu ta orguyo nacional, kier aumenta edad di pensioen pa 67 aña, kier bende patrimonio di pueblo esta accion den companianan estatal y mucho mas.
Tambe ta conoci mientras tanto cu Gabinete Wever Croes a dicidi di bay den un procedura di negociacion cu Hulanda pa por lograe tercer ‘tranche financiero’.
PPA ta cuestiona si cu si Aruba mester a bay den un proceso di negociacion cu Hulanda mientras cu Hulanda lo kier degrada e autonomia/status aparte di nos pais?
Pakico? Pasobra segun PPA e forma di atende y e condicionnan total di Hulanda ta empugna cu letra y espiritu di Statuut di Reino Hulandes.
Statuut di Reino Hulandes ta papia palabra cla!
‘Onderlingebijstand, overleg en samenwerking.
Artikel36 Nederland, Aruba, Curacao en St. Maarten verlenenelkanderhulp en bijstand.
Ningun momento Statuut ta menciona bao condicion Ni cu como consecuencia cu paisnan mester entrega nan autonomia cu nan a haya primeramente na 1954 e asina yama Eilandenregeling como e Status Aparte pa Aruba pa dies aña na 1986 cu a wordo cambia despues pa un periodo indefini!
Door di permiti bay den negociacion cu Hulanda riba e pakete di condicion PPA ta di opinion cu esaki ta ‘zwak’ e posicion di nos Status Aparte den Reino Hulandes y e derecho y deber cu Aruba tin basa riba nos Statuut.
Siman pasa parlamento a tene un reunion di comision na unda Gobierno a duna un relato con leu e supuesto negociacion lo ta cu Hulanda riba e dos rijkswet y e condicionnan.
PPA a tuma nota cu mayoria fraccion a expresa den e reunion di comision aki cu nan ta contra locual lo tin riba mesa te na e momento aki pero cu gobierno lo mester sigui negocia!! Y aki ta nace e pregunta: ‘Staten ta cumpli berdaderamente cu representacion di nos pais dentro di Reino Hulandes?’
Pregunta cardinal di PPA:
Staten di Aruba a laga cu voz resona den Reino Hulandes esta na Gobierno di Reino y/of Staten Generaal di Aruba pa cu e situacion na Aruba cu na prome lugar tabata consecuencia di ‘mal gobernacion’ di tanto gobiernonan di MEP como di AVP?
Y cu a bira dramatico ora cu COVID 19 a bati na porta??
Na prome luga un reunion di comision No ta un reunion publico di Staten!!
Na opinion di PPA mester di decision di Staten y un representacion digno.
PPA kier accentua e rol di representacion di pueblo cu Staten tin basa riba nos Constitucion.
PPA kier a referi principalmente na capitulo 3, articulo 111. 22
‘De Staten zijnbevoegd de belangen van Aruba voortestaanbij de regering van het Koninkrijk en bij de Staten-Generaal,’
Staten di Aruba por usa e articulo aki ora cu tin cualkier situacion penoso unda e interes di pueblo di Aruba ta na peliger y por ranca na e bel importante aki pa tanto Gobierno di Reino como Staten Generaal scucha Staten di Aruba pero cual te na e momento aki NO a wordo haci.
E articulo 111.22 aki tabata antes articulo 26 di nos Eilandregeling y historia ta mustra con Eilandsraad di Aruba a usa e articulo aki pa ranca na e bel den Reino cu e relacion cu dentro di e tempo ey Antias Hulandes no ta aceptabel mas.
Basa riba e articulo aki Eilandsraad a manda un delegacion pa papia cu Gobierno di Reino y cu Staten Generaal di Hulanda.
Consecuencia di esaki tabata:
- Cu e derecho di autodeterminacion di Aruba a wordo reconoci!!
- Y basa riba e reconocimento aki Aruba a logra un acuerdo na 1983 pa sali for di Antias Neerlandes.
Locua lPPA kier indica ta….e pregunta‘Con por ta posibel cu mientras Aruba ta lomba contra muraya….. Aruba cu un mega debe, economia cu a cay den otro SIN fondo pa atende su gobernacion cu Hulanda por ta presiona Aruba door di pone 2 rijkswet y un pakete di condicion cu claramente ta pone Autonomia di pais Aruba den peligermientras Statuut pa Reino Hulandes NO ta indica esaki cu Staten di Aruba representacion mayor di nos pueblo NO a laga su voz wordo expresa den Reino Hulandes oficialmente!!
Un vez mas……e reunion den Staten di siman pasa por wordo considera un ‘un show’ pa politica local pero NO representacion di pueblo su interes na tanto Gobierno di Reino como Staten General.
PPA como un organisacion politico di 70 aña di existencia ta considera esaki como un ‘Eror historico’ sumamente serio!!
Conseho di PPA na Staten di Aruba!
Basa riba esaki PPA kier conseha Staten di Aruba pa pone un PARO na e negosiacion entre gobierno di Aruba cu Hulanda a lo menos temporalmente door di usa articulo 111.22 di nos staatsregeling pa pidi un reunion cu tanto Gobierno di Reino como Staten Generaal di Aruba.
Na momento cu Staten di Aruba ‘trek aan de bel’ officialmente Gobierno di Reino lo mester respeta e peticion aki y wanta tur cos. Den e mocion di Staten cual por wordo considera e decision oficial di Staten ta pidi pa e reunion aki y ta argumenta e interes di Aruba cu ta na peliger. Y basariba Statuut Staten ta pidi e oportunidad pa expresasu opinion al respecto na gobierno di Reino y Staten Generaal.
Staten su mandato na su delegacion mester accentua cu e instancianan den Reino lo mester cumpli cu Statuut capitulo 3, articulo 36 etc sin cu ta pone e autonomia di nos pais na peliger!!
E mensahe di Staten lo mester ta pa Gobierno di Reino respeta ‘letra y espirito di Statuut di Reino Hulandes’y duna pueblo di Aruba y gobierno di Aruba e ay udo necesario dentro di e crisis aki!
E mensahe di Staten na Gobierno di Reino Hulandes como Parlamento lo mester ta pa 1. Respeta e autonomia di pais Aruba cu ta nifica cu cualkier cooperacion lo no mag mishi cu e ‘autonomia/Status aparte di pais Aruba!!
- No mag di mishi cu Justicia Arubano den ningun forma solamente di duna ayudo ora esaki wordo pidi pa autoridad Arubano.
- Yudansa financiero- economico ta un necesidad pero dentro di e cuadra di respet ….un suma destina como ayudo economico basa riba un asina yama ‘fast track’ ta na su lugar basa riba un acuerdo di cooperacion na unda un ‘control administrativo’ di parti di Hulanda pa nan por duna cuenta con y na unda nan fondo ta wordo inverti y cu cual meta …..pero na ningun momento ta kita e derecho di dicidi ‘beslissingsbevoegdheid’ for di autoridad di Aruba y ponele den ningun instituto otro!!
PPA kier accentua e rol cu Staten a desplega te na e momento aki parce ta dirigi pa tene e pueblo di Aruba contento pero cu ningun momento ta encera un mensahe cla y raspa di parti di e instancia di representacion mas halto di pueblo di Arubana tanto Gobierno di Reino como na Staten Generaal di Hulanda.
Un mensahe p.e. den un reunion di YPKO NO tin e impacto constitucional cu ‘ranca na e bel; basa riba nos constitucion capitulo 3 articulo 111. 22 !!
PPA ta spera cu nosc olegio di Staten representa pa e 21 miembro di Staten actual tene debidamente cuenta cu e conseho aki!!
