Ultimo simannan  por a nota algun declaracion tanto di diferente ministro di nos actual gobierno pero  tambe di SNBA dedica na e pregunta: Con por haci San Nicolas desaroya lo mas pronto cu ta posibel ?

Ariba su mes esaki ta un esfuerso positivo pero tanten cu No realisa cu cierto decision  No ta contribui na realmente desaroyo comercial/turistico di San Nicolas nos lo no bay ningun caminda.

Na prome luga San Nicolas merece un vision di Gobierno di Aruba  cu ta indica e meta esta un desaroyo comercial/turistico cu lo encera expansion comercial cu e  comercio pa e necesidad di pueblo pero tambe comercio pa duna contenido na e infrastructura necesario pa  San Nicolas por ricibi mas turista cu lo pasa algun ora den e centro comercial di San Nicolas y lo crea mas entrada pa e pueblo por gasta placa den comercio.

Pa cumpli cu esaki lo mester tin un maneho dirigi na prepara San Nicolas pa e desaroyo aki !!

PPA ta visualisa lo siguiente cu ta sumamente necesario:
Un maneho  cu lo encera  inversion pa eleva  cierto sitio turistico situa  pariba di Brug cu por wordo bishita pa turista esaki na Pos Chikito, Savaneta y San Nicolas p.e.  drecha y mantene e bunkerstation cu a wordo uza door di soldaat Mericano y Hulandes na Juana Morto………door di sostene e  sitio na Seroe Preto cu ta wordo uza tur December pa e bario aki como un sitio turistico durante di aña……….door di sostene e organisacion cu ta mantene  ‘Grot di Lourdes’ ……y otro sitio y door di sostene tur museo existente pariba di Brug …y asina nos por continua.

  1. PPA ta visualisa cu door di inverti den un fundacion pa crea  un Museo Historico Multi-cultural cu lo presenta e districto di San Nicolas su desaroyo den curso di tempo. Lo tin varios sala cu lo representa lo siguiente:

a. San Nicolas como  districto di pesca, cria y cunukero.

b. e Desaroyo di phosphaat na  Seroe Colorado(San Nicolas) entre 1876 pa 1914 pa un compania Britanico cu a haci Aruba e ‘baca di lechi’  di Colonia di Corsou.

c/ Establecimento di un Bunker(1920)  sigui pa un Refineria cu a bira

LAGO/Exxon   refineria for di 1927 pa 1985  sigui pa Coastal, El Paso, Valero y

Citgo y e desaroyo na San Nicolas durante cada epoca.

d. Sala dedica na e migrantenan cu a establece nan mes na Aruba y

grandemente na San Nicolas pa labora riba tereno Industrial di Lago y

atencion pa e sitio/paisnan for di unda nan a bini.

Segun e vision di PPA e edificio di e Museo aki mester wordo construi den

un ‘Helm’ cu a wordo uza pa e trahado aki!!

E  vision/idea aki lo por bira e centro di atraccion na San Nicolas representando su historia durante cual San Nicolas a bira e  ‘San Nicolas Our Caribbean town’ cu nos a conoce.

3/  Gobierno por stimula  inversion den Restaurant  di cierto calidad cu ta dedica grandemente na nos cuminda crioyo y  Caribense na San Nicolas !!

PPA ta lamenta cu e  proyecto di Uncle Louis Store  No por bira un Uncle Louis Bar  & Restaurant di nivel esaki hunto cu  Oneil’s Restaurant y un Restaurant mas den e edificio cu antes tabata  All Electric Sales despues Benito’s e desaroyo aki lo crea un curason economico comercial/turistico na San Nicolas.

PPA ta ripiti presencia di un departamento di gobierno den caya principal di San Nicolas ta un punto negative y lo no contribui na desaroyo manera cu a pasa den pasado caba…….lastima cu Ni gobierno ni  Fondo di Monumento no ta desea di cambia nan posicion al respecto. Tempo lo demostra con PPA lo bolbe haya rason y lastima e desaroyo comercial turistico cu nos desea lo no tuma logra den e espacio importante aki……!

Transportacion di e turista??
Pa stimula e transportacion di turista PPA ta visualisa cu gobierno por ofrece  12 of 15 permiso di O y T vergunning na entrepreneur cu lo wordo solamente permiti pa duna ‘Tour’ pariba di brug y lo mester  encera 7 pa 8 sitio pariba di Brug cu nan lo bishita incluso un ora minimal den Centro comercial/turistico di San Nicolas.

Pa bin na remarca  e vehiculo di transportacion lo mester ta uno cu un refleho turistico p.e. un bus  prepara specificamente pa transporte di turista y p.e. street-trolleys(manera e Tram !!)  pero riba wiel etc.. Lo mester ta posibel pa pone propaganda di pariba di Brug riba e vehiculonan aki etc. !!

Gobierno lo por para garantia pa parti di e inversion aki ??

Construccion di un Hotel!!
E construccion di un hotel (Secret !) PPA ta considera un desaroyo positivo pa futuro di San Nicolas. Manera nos a declara caba esaki lo ta un  ‘yabi’ pa apertura di e desaroyo comercial/turistico di San Nicolas. Pero mientras tanto cu e hotel aki mester wordo construi e maneho di gobierno lo mester  ta stimula y mantene e infrastructura di San Nicolas.

Inverti y eleva  ‘Aruba SN GolfClub  na San Nicolas!
PPA ta di opinion cu gobierno y kisas Ministro di Turismo/ATA lo por inverti un suma pa eleva e  Golfcourse y Club existente esta Aruba su prome golfcourse y mantenele como tal en cooperacion cu e actual gerencia di e golfcourse aki!! Esaki lo stimula bishita di turista cu ta desea di hunga ‘golf’ pariba di brug tambe.

Indica/apunta  pariba di Brug/SN como sitio pa ‘Health & Wellness Tourism’!!

Siguiendo cu e inversion den e  Clinica na San Nicolas dr. Engelbrecht gobierno por indica y apunta San Nicolas y vecindario como districto  pa desaroyo di ‘Health & Wellness Tourism’ y stimula esaki. San Nicolas tin espacio pa organisacionnan deportivo duna servicio extra pa pueblo y na turista…E entrepreneurnan por ta hopi creative !!

Diversificacion di Economia di Aruba na San Nicolas!!
Tambe ta un hecho cu San Nicolas ta duna espacio pa  ‘diversificacion’ di nos Turismo. Primeramente e bista tabata pa e apertura di un Upgrader pero tur cos ta indica cu esaki a bira  ‘añanan perdi’ pa Aruba y principalmente San Nicolas.

Tur cos ta indica cu lo mester yega na e punto pa ‘desmantela’ locual a resta di e refineria maske esaki ta un decision doloroso.

PPA ta pro pa  desaroyo oficial di un vision cu ta encera un PLAN B  cu segun PPA por bira:

  1. Shipbuilding & Shipservices
  2. Terminal lo mester regresa completo den man di gobierno di Aruba..
  3. Transhipment services
  4. Expansion San Nicolas pa su haf…
  5. Containerport pa ofrece servicio na otro portnan den region…..como HUB etc.
  6. E parti mas pariba yegando Rodgersbeach por bira un Marine y Yacht harbor …..& development etc. etc. consecuentemente un parti di Seroe Colorado por haya un desaroyo asina tambe……

Fondo di mercadeo !!
Finalmente PPA ta ripiti locual PPA a propone den parlamento añanan atras….esta pa crea un fondo pa mercadeo pa  San Nicolas(pariba di Brug)_ tanto local como Internacional. Lastima fraccion di MEP tabata e unico cu a vota contra e idea aki  pero PPA ta spera cu e tempo cu a pasa a pone e luz cende cerca nan cu esaki lo ta e maneho corecto pa hiba.

PPA tin mas vision y idea pa desaroyo di San Nicolas cu nos lo keda presenta den curso di tempo. ‘