No cabeduda pa es nan cu ta sigui politica di acerca ta consciente cu un bes mas tin un diferencia di opinion hopi cla y di principio entre Gabinete Wever-Croes y supropiocoalicion den Staten di Aruba specialmente fraccion di MEP.

E prome confrontacion tabata na 2018/2019!!

Na 2019 a desaroya un diferencia di opinion cu normalmente den otro gobierno cu ‘integridad’ lo a entrega nan retiro na gobernador.

PPA a declara e tempo ey ‘gobierno di Aruba a cay pero No kier bay!!”!

E diferencia tabata tin di haber cu e Ley di LAFT pa cual MEP a organisa marcha cu a conduci cu Staten su edificio a sufri daño y tabata tin kimamento pafo riba caya asina fuerte, MEP y otro tabata considera e Ley di LAFT un entrego di nos autonomia.

E ley di LAFˇ cu lo a caduca na December 2018 pero Staten a pasa un mocion dunando gobierno nan pensamento cu pa prolonga e LAFT esaki lo por solamente cu cierto cambio pasando e ‘controle’ pa Staten en bes di Gobierno di Reino.

Gabinete EWC sin embargo a firma un protocol cu Hulanda dia 22 di november 2018 na unda nan a bay di acuerdo pa prolonga e LAFT segun demanda Hulandes sin e deseo di nan propio Staten.

Staten despues a pasa un hala di cambio kitando e competencia den LAFˇT for di Gobierno di Reino pa Staten di Aruba mes cual concepto di Ley a causa un malcontento y desconfianza tanto entre Staten di Aruba y su propio Gobierno EWC y entre Gobierno di Reino y gobierno di Aruba mes.

Gabinete EWC sin embargo a dicidi di respeta nan protocol cu Hulanda lagando nan coalicion den Staten cay y gobernacion a continua SIN un Ley di LAFT cu a caduca 31 di December 2018 pero den e espirito di e Ley y e protocol existente.

No cabeduda cu fuera di e mal gobernacion bou ambos gobierno tanto di AVP como di MEP pero tambe e MEGA DEBE a contribui na e mal ‘smaak’ entre gobierno di Reino y gobierno di Aruba.

E ‘mal smaak’ aki a conduci cu ora cu COVID 19 a drenta mundo y Aruba cu gobierno di Reino a scoge e crisis aki pa en vez di yuda Aruba conforme di Statuut art 36 y ta papia hopi cla di ‘Samenwerking, hulp en bijstand’ presenta un racha di condicion pa e yudansa Hulandes locual NO ta conforme di Statuut pa Reino Hulandes.

Gobierno Hulandes a dicidi di purba forsa tur locual e por forsa den stoma di nos gobierno di Aruba y Staten di Aruba hasta kitando autonomia di nos pais Aruba for di nos. E pakete di gobierno di Reino ta encera DOS rijkswet y un racha di condicion cual ta encera e.o. dolorisacion di e economia di Aruba, aumento di pensioen pa 67 aña, bendemento di share den compania estatal (locual Aruba ta considera su PATRIMONIO Arubano y mucho mas.

Pero e esencia di tur esaki ta encera cu lo kita ‘autonomia/Status Aparte’ di Aruba pa un periodo di 9 aña!

TRES Hulandes lo goberna Aruba riba un cantidad di tereno for di Hulanda for di un edentida cu a inicia pa yamele CHE !!

Si Aruba no acepta esaki segun e Gobierno di Reino/Hulandes Aruba lo NO ricibi e di tres transhi di financia Hulandes. Cu otro palabra gobierno di Reino ta practicando nada otro cu ‘blackmail’ y gobierno di MEP o RED ta permiti esaki tuma luga.

E mensahe Hulandes cu Aruba ta baha cabes y entrega su autonomia si no Aruba lo no ricibi ayudo financiero simplemente ta enpugna cu Statuut y mester wordo rechasa. E ponencia cu gobierno di Reino(Hulandes) lo no duna ayudo financiero cual lo nifica hamber pa pueblo di Aruba lo mester wordo presenta na mundo henter pa tanto gobierno di Aruba como pa Staten di Aruba.

Na mesun momento Staten di Aruba ta ‘superzwak’ y no ta haci uzo di su instrumento den nos staatsregeling pa frena y/of para esaki conforme articulo 111.22 di nos staatsregeling.

Statuut: Art 36 Cooperacion, ayudo y sosten!

PPA ta considera esaki e actitud di gobierno di Reino(Hulanda) un actitud no aceptabel y cu NO ta cuadra cu Statuut.

Pasobra nos Statuut pa Reino Hulandes ta papia di ‘samenwerking, hulp en bijstand’ y ningun momento ta permiti cu un set di condicion ta wordo poni riba mesa corda pa mishi cu e ‘autonomia Arubano’.

Si Aruba lo mester baha cabes pa Hulanda pa ricibi e financia di ‘transhi tres’….kico nos por spera di condicion Hulandes pa ‘transhi cuatro, cinco of seis’??

Mientras tanto algun instancia y ciudadanonan di Aruba cu tur respet pa nan opinion ta dispuesto pa entrega autonomia Arubiano……y na varios ocasion nos ta sinti cu gabinete Wever-Croes tambe ta na punto di entrega e Status Aparte/autonomia cu a wordo logra desde 1954 y na 1983 bou di liderato di Sr. G.F ‘Betico’ Croes pa e periodo di dies aña y cual a wordo expande bou di gabinete Nelson Oduber (MEP-PPA-ADN) pa periodo indefini ora cu a logra ‘scrap’ e fecha di Independencia for di den Statuut.

Confrontacion atrobe entre gobierno EWC y Staten su propio fraccion di MEP!

Un bes mas tin un diferencia di opinion serio entre Min Pres Evelyn Wever-Croes y su gobierno versus coalicion den Staten specialmente su propio fraccion di MEP.

Actualmente pueblo por nota dos desaroyo remarcabel:

  1. Gab Wever-Croes ta haci esfuerso pa supuestamente a tende opinion di varios instancia…esaki publicamente…..cu por wordo considera un proceso pa convence e pueblo pa sostene cualkier decision cu gabinete Wever-Croes cogepele sea cu ta:

A. Entrega nos autonomia/status aparte of

B. rechasa e pakete di condicion Hulandes.

No cabeduda cu hopi ciudadano den nos comunidad ta sinti cu Min Pres ta na caminda pa entrega nos Status Aparte.

Pakico a scoge pa negocia cu gobierno Hulandes anto ??? Ora e condicionnan poni ta simplemente ‘entrego’ di nos autonomia!!

  1. Fraccion di MEP muy en special Lider di fraccion Rocco Tjon, Andy Croes y mr. Ady Thijsen ta riba e caminda pa frena y/of para Hulanda su condicionnan,pero nan problema mayor ta e posicion di nan propio Min Pres Evelyn Wever-Croes cu ta na punto di entrega e Status aparte/autonomia di Aruba bek den man Hulandes pa e periodo di 9 aña pero cual den practica lo nifica un periodo mucho mas largo.

E entrega aki lo nifica un proceso mucho mas largo pa haye bek cu e 9anjapasobra e ta mara na condicion cual lo ta dificil pa cumpli cu ne….!!

E lucha di nos antes pasado nan pa Aruba ta ‘baas den nos cas’ ta na punto di wordo entrega pa MEP cu na e momento aki ta ‘gesplit’ den dos pa es nan cu tin e don pa analisa kico ta pasando.

Pa frena e proceso di Min Pres EWC cu ta en busca di ‘draagvlak’ pa entrega e autonomia e miembronan di Staten di MEP a dicidi di inicia nan propio proceso di informa e pueblo Arubano. Tuma bon nota di esaki!!

PPA ta ripiti, nos posicion ta:

  • Totalmente contra cu Aruba lo mester acepta e pakete Hulandes Ni e dos rijkswet nan menos ainda e condicionnan postula pa gobierno Hulandes!
  • Aruba mester para pa su autonomia/Status Aparte y rechasa e posicion Hulandes. No cabeduda cu esaki por nifica momentonan doloroso pa nos pueblo pero No ta por nada cu Sr. G.F. Betico Croes a laga diferente mensahe atras pa su pueblo pa pueblo tuma bon nota di dje
  • Si para pa nos autonomia , Status aparte y nos Statuut art. 36 Hulanda lo mester cumpli debidamente conforme e letra y espirito di nos Statuut.

PPA su conseho ta:

  • Gobierno lo mester rechasa e pakete di condicion Hulandes y para pa

Hulanda respeta articulo 36 di Statuut!

  • PPA su opinion ta cu Staten NO ta completo den su funcionamento y ta conseha Staten pa haci uzo di instrumento stipula den Statuut cu nos a referi na nan e.o. articulo 111.22 cu ta duna Staten e derecho y deber di ‘rancana e bell’ den Reino Hulandes pa Staten manda un delegacion pa Hulanda pa reuni cu Gobierno di Reino y cu Staten General.

SI NO haci uzo di e articulo aki esaki por haci e posicion di Aruba hopi ‘zwak’ den futuro specialmente ora busca sosten di tanto‘Naciones Unidas como Union Europeo’ ora nan tende cu Aruba NO a uza e plataforma legal pa para pa su derecho internamente den Reino Hulandes.

Nan por referi Aruba pa bay internamente bek den Reino pa busca solucionnan bes di envolvi nan sin cu a termina esaki!!

En todo caso importante ta pa nos pueblo realisa cu den coalicion y gabinete Wever-Croes pero specialmente den fraccion di MEP mes tin diferencia di opinion serio y di principio cu nan Minister President EWC pa cu e pakete di condicion Hulandes…….ta purba sconde pero pa es nan cu pa analisa politica esaki ta hopi cla!!

Aruba, 23 di augustus 2020 Secretario General di PPA,

BENNY NISBET