Ultimo simannan pueblo di Aruba a wordo sorprendi cu varios noticia rond di e aventura cu por wordo cualifica na mes momento como un drama relaciona cu e proyecto di Citgo/Pdvsa  pa transforma e locual a resta di nos refineria den un Upgrader.

Primeramente  pueblo por a tende cu  un suma di $. 180 miyon dollar lo a wordo manda pa Citgo Aruba pero cu e suma aki nunca no a wordo inverti den e  planta pa asina inicia e transformacion.

Segun PPA no tin claridad unda e suma di $ 180 miyon dollar aki a disparce…prome cu el a yega Aruba of na Aruba mes ??

Por a comprende cu algun ehecutivo halto di Citgo/Pdvsa a wordo  encarcela pa e.o. corupcion pero con e suma aki ta relaciona cu nan detencion y encancelacion no ta suficiente cla ainda. Tambe por a comprende cu un di e ehecutivonan aki lo a fayece den prizon na Venezuela.

Seguidamente pueblo a wordo informa pa ministro presidente Evelyne Wever Croes  cu durante su bishita na Washington D.C. unda el a bishita e instancia di O.F.A.C.  e lo a wordo sorprendi pa e autoridadnan eynan ora cu nan a informele cu nunca Citgo Aruba/Pdvsa lo no a pidi un  permiso pa ‘transformacion di e refineria den un Upgrader pero den locual a wordo cualifica como ‘winding down’.

Durante e periodo di 1 aña y 7 luna cu e actual gobierno MEPORED ta gobernando nos pais PPA a puntra  varios bes …….Si gobierno tin un comision pafo di R.D.A of hunto cu R.D.A. cu ta controlando e ehecucion di e contract  di 2000 pagina cu a wordo firma na 2016 ?? Nunca PPA no a ricibi contesta publicamente probablemente pasobra PPA No ta representa den parlamento di Aruba.

Sin embargo nos por c omprende di diferente skina cu den ‘wandelgang’  di gobierno na varios ocasion e remarca a wordo haci cu PPA/Benny Nisbet  no sa di kico e ta papia.

Pero  e proceso aki ta uno cruel pasobra den  un periodo corto ta resulta cu PPA y Benny Nisbet tabata tin completamente rason, Si tabata tin un comision di experto trahando y controlando e  implementacion di e contract aki hopi sorpresa desagradabel por a wordo nota prome y kisas evita.

Pasobra lo ultimo na O.F.A.C.  unda nos prome Ministro a wordo informa cu ….sorry pero e compania  Citgo?Aruba nunca a pidi pa transforma den un Upgrader mester a cay manera un baño di awa friu pa nos Prome Ministro.

Parlamento di Aruba ta na zono !!

No kabe duda cu parlamento di Aruba ta na zono pa 1 aña y shete  luna largo !! Si puntra nos mes cuanto reunion tabata tin explicitamente dedica na e topico di e contract di Citgo/Pdvsa…..anto mi ta duda cu esaki lo tabata mucho. Con esaki por ta mientras fuera di PPA  varios matutino un mas cu otro a dedica amplio atencion na e problematica aki.

Door di no yama un reunion di parlamento riba e topico aki …..E ministro encarga cu e responsabilidad politico di Citgo Aruba esta nos ministro Presidente  sra. Evelyne Wever Croes nunca por a duna cuenta den un of mas reunion explicitamente dedica na e contract al respecto!

Formacion di gobierno !!

Ta bon conoci  cu durante formacion di gobierno internamente den seno di partido MEP otro  tabata desea di wordo encarga cu e responsabilid Glenbert Croes a crea e  impresion den pueblo cu ta su persona tabata e luchado encassable pa e apertura di locual a wordo bendi como reapertura di e refineria pero cu a resulta den un transformacion di e refineria.  Sin embargo Ministro Presidente a prefera di mantene e responsabilidad aki bou di su persona.

Opinion di PPA sin embargo ta  cu e formacion a duna un resultado cu lo por causa problema na caminda?  Nos opinion ta cu e ministro encarga cu Economia no mester ta combina cu Financia! E ministerio economico mester ta uno separa y cu mester tin varios departamento  y responsabilidad bou di dje cu realmente ta duna e minister e instrumentonan y e veld pa un maneho Economico unda p.e. e responsabilidad pa un posibel Segundo pilar mester por cay directamente bou di e Ministro di Economia completamente Independiente pa e maneho/tereno aki!.

PPA ta puntra publicamente lo siguiente:

No  kabe duda cu cierto eror  a inicia bou di maneho di AVP !! Pero esey ta pasado y e pueblo a eligi un parlamento cu na su turno a eligi un gobierno pa implementa un vision y un maneho cu lo trece solucion pa e problematica cu nan a encontra.

Y eynan PPA ta diferencia di opinion cu e actual gobierno.

Solucion pa e problema financiero mester wordo busca y haya den un vision y maneho economico dinamico y no den un maneho basa grandemente riba ‘medida’ cu ta haci e bida di ciudadano mas y mas dificil.

Gobierno a nombra Comision pa evalua futuro di e refineria !!

Por a comprende cu  ministro presidente Evelyne despues di su baño di awa friu na Merca  a nombra un comision di experto di gobierno pa evalua e futuro di e refineria  esta un Aruba cu refineria of un Aruba sin refineria. Un poco laat segun opinion di PPA  mester tabata tin un comision nombra di e prome luna di gobernacion MEPORED pa controla y guia e implementacion di e contract di 2000 pagina cu 20 miembro di parlamento a aproba  entre cual TUR ministro di MEP !!

Ta un falta di responsabilidad serio cu esaki nunca no a tuma logra!!

Na mes momento  PPA no por comprende  di con R.D.A. no ta wordo yama pa duna cuenta tambe di nan responsabilidad durante henter e proceso aki!!

Pregunta di PPA ta cu prome cu bo yega na por ehecuta un maneho di un Aruba  sin Citgo/Pdvsa lo bo mester por domina e contenido di e contract.

Y locual PPA por a tuma nota di dje  den  Capitulo Section    Force Majeur riba pagina  40 y 41 articulo 18.1 {force Majeur Events} , 18.2(Notice)  y 18.3(Excessed Performance) cu ta un clausula di   Overmacht hopi hopi hopi amplio ta pone e pregunta riba mesa cu si a pesar cu tres aña a pasa desde e contract a wordo firma  y te awe no a cumpli suficiente cu e meta di e contract cual ta transforma e planta den un Upgrader cu lo por tin suficiente argumento legal  valido actualmente cu lo no por wordo scondi bou di e articulo di ‘Overmacht’ aki y como tal si Aruba ta desea of no, no por libera su mes for di Citgo/Pdvsa pa un 3 aña minimal ainda ??

Y tambe PPA kier a referi  na e hecho cu e contract ta referi ampliamente na e  rold di ‘Arbitrahe’………..capitulo  Section 19….. Goberning Law And  Dispute Resolution articulo 19.1 (Governing Law) ………19.2 ( Dispute Resolution, Umbrella Dispute Settlement)  19.3 ( Commercial Act: Waiver of Immunity) 19.4 Indemnification Precedures.

PPA ta sinti cu nos parlamento a laga hopi di desea riba e tereno aki den controla gobierno mientras gobierno mes a faya barbaramente den un control  severo riba un contract cu ta bal miyones y lo mester refleha posibilidad di un Segundo pilar economico !!

Kisas e contesta por wordo busca den e recien publica documento riba  Maneho Economico di nos gobierno cu visiblemente no a señala e posibel upgrader como e tereno principal di nan maneho !!  A señala 6 tereno cu nan maneho lo por stimula pero no ta expresa un pia di palabra di e futuro di e upgrader cu nan tur a vota pele  (referiendo aki na mayoria ministro tempo cu nan tabata miembro di parlamento.

Sperando cu nos articulo lo por pone hopi  wak e asunto aki for di un bril mas amplio !!