Algun siman atras(14 di februari 2020, Amigoe) a sali un informacion for di AHATA relaciona cu e hecho cu lo tin varios proyecto di construccion di hotel den proceso y cu nan lo tin varios preocupacion relaciona cu esaki.
AHATA a informa cu durante e proximo 3 pa 5 aña lo tin un crecemento di 3300 camber cual lo ta un crecemento di 37% di cama.
Basa riba esaki segun AHATA lo tin mester di entre 10.000 pa 15.000 trahado den e proximo 3 pa 5 aña PPA ta cita for di e articulo aki ‘ uitgaande van 4 personeelsleden per kamer’ esta saliendo di e punto di salida di 4 trahado pa camber.
Tambe AHATA lo a expresa nan preocupacion pa e hecho cu nan hotelnan lo no ta hayando localnan pa traha den hotelnan awendia.
PPA ta cita: ‘Kamerpersoneel en personeel in de keuken’.
Y den e relato publica den Amigoe e persona encarga cu e afdeling di human resources di Total cleaning lo a splica cu ‘Mensen hier op Aruba willen het werk in de hotels niet doen . Het overgrote gedeelte van het personeel van Total Services is Latijns Amerikaans personeel’.
Na prome luga ta un hecho conoci cu diferente gobierno a duna permiso pa construccion di mas hotel den pasado caba….esey ta un hecho conoci. Nos ta corda e discusion entre Marisol Lopez Tromp y sr Benny Sevinger kende lo a duna mas permiso relaciona cu esaki ! y aki tabata trata 7000 camber nobo ??
PPA a analisa e informacion aki y ta sinti falta di mas aclaracion y como tal PPA tin pregunta relaciona cu esaki!
Info duna den pasado :
*** Aña pasa 2019 AHATA tambe a duna informacion riba e problematica aki referiendo na informacion di 22 hotel cu tabatin 7.155 camber y cu tabatin 7.562 trahado.
Di e 7562 trahado 84% tabata trahado local residencia cu no ta rekeri permiso di trabou. Segun e info aki:
E averahe tabata 325 camber pa hotel.
E averahe tabata 344 trahado pa cada hotel.
Empleado via Contractos esta Uitzendbureau’s ………2096 cu ta 27.71%!
Empleado cu permiso di Trabou tabata 1696……..cu ta 22%.
Empleado cu salario minimo 3%.
Empleado bou e edad di 25 aña lo tabata 1096 cu ta 14.49 %.
Empleado riba edad di 60 aña …..lo tabata 14.49%……….
*** Basa riba e info aki e cantidad di trahado via di uitzendbureau’s ta un cantidad substancial esta 27.71% cual probablemente lo a aumenta un poco mas tambe!
*** Basa riba e informacion ultimo di aña pasa PPA no ta comprende e cifranan cu AHATA ta publica awor aki cu tur respet pa e institucion prestigioso aki.
Na prome luga PPA ta contento cu nos tin un institucion asina cu ta keda sigui consecuencia di maneho di gobierno pa nos futuro y ta publica nan opinion y preocupacion regularmente pa asina nos sociedad tambe por tuma nota di esaki ..cual ta hopi positivo.
1. Pero PPA no ta comprende con aña pasa e cifra duna ta indica cu lo mester di minimalmente 1 trahado pa cada camber y awor den e publicacion ultimo esaki lo ta indica cu lo tin mester di 4 personeelsleden per kamfer/ 4 trahado pa camber ??
2. PPA no por kere cu un aumento di 3300 camber lo trece e necesidad di entre 10.000 pa 15.000 trahado den ramo di hotel??
No lubida cu e info di e propio AHATA a duna aña pasa ta indica 7562 trahado pa 7.155 camber con 3.300 camber acerca lo por trece necesidad acerca di entre 10,000 pa 15.000 trahado ??? Esaki ta zona ilogico toch?
PPA por kere si …cu si cierto momento importa 3.300 trahado di exterior cu nan lo por trece familiarnan cu lo por ta 4 pa famia cu lo crea e aumento di pueblo cu 13.200 persona pero NO e cantidad aki como trahado.
Y comprende bon PPA no ta defende e construccion di tanto hotel acerca pero nos ta tene cuenta si cu esaki ta un realidad. Al contrario PPA ta di opinion cu tin sigur un 6000 ciudadano riba nos isla cu no tin trabou!!
E Arubiano lo no kier traha como personal di camber y den cushina????
Un ponencia cu mester mas aclaracion tambe ta e ponencia cu e Arubiano lo no kier traha como personal di camber y den cushina(limpieza) !!
Kico a pasa realmente ??
Den decada 60 pa 90 e Arubiano tabata traha trankil den limpieza di camber como den Cushina ??
Ta kico a pasa anto ? Kico a pone cu e Arubiano a perde interes pa e trabou aki?
Realidad ta cu den e epoca menciona e Arubiano tabata traha directamente pa nos
hotelnan y den tur departamento !!
Ta den e epoca 90 padilanti e mercado a cera conoci cu e asina yama ‘uitzendbureau’s’ y hopi Arubiano no a sinti nan mes comodo mas pa traha pa un compania cu ta duna servicio na e hotel en bes di traha directamente pa e hotel.
E Arubiano diripiente a cuminsa sinti cu e no tabata tin un posicion manera antes …….en bes di ta directamente emplea pa e hotel ………diripiente e tabata riba contract pa un periodo cu consecuencia cu e no por a ricibi fianza na Banco mas etc. Hasta den otro sector di hotel trahado cu a inicia pa traha riba contract a confronta momento di descepcion ora cu cierto momento nan ta wordo bisa cu contract a termina y nan lo mester bay cas pa un periodo.
Riba pregunta di varios trahado pero mi ta trahando bon toch…..a bini e contesta ……hopi bon mes…..pero nos ta uza ‘compania’ y bo periodo ta termina aki pa nos tuma otro persona……situacion asina a kibra e sentimento di e Arubiano pa e sector Turistico. Esey PPA a wordo splica repetida bes pa ciudadanonan.
Arubiano bek den hotel ?
PPA ta apoya e esfuerso di AHATA y gobierno pa stimula e interes di e Arubiano pa traha den hotel pero los di un bon mercadeo PPA ta di opinion cu lo mester tin atencion pa e siguiente puntonan:
- Ofrece nan trabow directamente trahando pa e Hotel !
- Aumenta nan salario y beneficio un poco !!
- Duna un contribucion pa specificamente gasto di transportacion (esaki lo mester conta pa mayoria trahado !) .
- Introduci mas educacion y preparacion pa e trabou aki tambe pero reconoce e educacion y preparacion pa medio di un bon salario y beneficio!
- Hiba un maneho unda e Arubiano no ta sinti cu e ta wordo oprimi pa otro pero crea un ambiente positivo pa e trahado por labora positivamente. Bisando esaki PPA no kier bisa cu esaki lo no ta e caso pero si PPA ta tene cuenta cu locual varios ciudadano cu no ta traha mas pa hotel a splica nos.
PPA ta convenci cu e industria di hotel/turismo lo haya cantidad di Arubiano cu lo bira interesa di traha den sector di hotel y specificamente tambe den tanto limpieza di camber como Cushina. PPA ta di opinion cu gobierno No mester duna permiso pa trece mas trahado di exterior ‘sin mas’ mester hiba un maneho severo unda e trahado local mester ricibi tur oportunidad pa e acepta un empleo cu un bon salario y beneficio den nos sector di turismo.
Permiso pa trece di exterior mester ta un excepcion !!
Uzando algun cifra PPA ta conclui cu lo tin un 7% di desempleo actualmente cual por a baha y subi dependiente momento cu un of mas negoshi cera su porta incluso ultimo e empresa di Citgo NV pero algun otro mas tambe.
E 7% mas o menos lo ta entre 6000 trahado mientras cu anualmente entre 700 pa 800 hoben ta termina scol y ta enbusca di trabou cual ta nifica cu si e mercadeo pa stimula e Arubiano pa bay traha den hotel y e pakete di salario, beneficio y ambiente ta interesante lo por logra un cantidad substancial di trahado den futuro
Pa loke ta trata e hotel cu lo wordo construi na San Nicolas specialmente PPA no tin e minimo di preocupacion pa e trahado disponibel….tin suficiente y tin suficiente hopi interesa pa traha den un hotel di nivel na San Nicolas!!
Trece Arubiano bek di exterior !!
Tambe PPA a yega di referi na posibel mercadeo di Arubiano biba den exterior tanto na Hulanda, St. Maarten y otro isla di Reino Hulandes unda Arubiano a bay ora cu nan no por a haya un trabou aki na Aruba. Esaki tambe ta un posibilidad maske no ta sinta un,dos tres ta kibra biba pa bolbe …….aki tambe e pakete mester ta interesante.
PPA ta di opinion cu por lo pronto tin espacio suficiente y cu gobierno lo mester ta cuidadoso cu nan maneho di duna permiso prome cu realmente e Mercado di labor Arubiano/local ricibi atencion debido.
PPA ta spera cu nos articulo lo sirbi como un contribucion na e topico
importante aki. Cualkier punto cu nos a publica cu no ta cuadra mag di wordo
rectifica pa cualkier instituto of persona cu tin mas informacion. Ta intencion di
PPA pa nos sociedad ricibi mas tanto informacion corecto na tur momento.
