Ta hopi tristo cu mientras cu Gobierno tin cu ‘deal’ cu e ‘Megadebe combina cu e Coronacrisis’ unda lo tin 37.000 trahado sin trabou y un par di mil negoshi sin entrada cu ta permiti un lucha pa poder interno den un di e partidonan politico cu ta forma e actual coalicion cu ta sostene Gabinete Wever Croes.
Gobierno di Aruba ta den proceso di cumpli cu condicionnan cu nan a acepta cu Hulanda a pone riba Aruba.
Y hunto cu tur esaki nos gobierno ta guiando e proceso pa lanta nos economia Arubano back combina cu diversifica nos economia.
Cu otro palabra Aruba ta den un crisis yama bisto!
Pa colmo mientras cu Aruba lo mester ta prepara pa sigui negocia y cuida’ interes Arubano’ basa riba articulo 36 di Statuut den e futuro nos dilanti!
PPA ta hanjele hopi tristo cu memey di e crisis di mas profundo cu Aruba tin un coalicion cu ta forma pa tres partido politico cu ta sostene e gobernacion aki !
Nos ta hopi decepciona cu memey di un crisis asina grandi un di e organisacion politico aki esta POR por permiti nan mes un crisis politico asina.
Cu den curso di tempo tur partido politico a conoce crisis politico interno ta un hecho!!
Pero cu ta permiti esaki sali for di man anto ‘memey’ di e crisis di tanto e megadebe como e Coronacrisis/Covid 19 pa PPA ta un decepcion grandi y nos ta convenci cu un bon parti di pueblo lo comparti nos opinion.
Con esaki lo desaroya su mes ta keda na tanto e partido POR como e tres organisacion politico cu ta forma e actual gobernacion Arubano.
PPA for di oposicion di pafo di parlamento ta sinti nos deber pa mustra riba e interes Arubano na tur momento esta e Mega debe, e consecuencianan di e Coronacrisis y e 37.000 Arubano sin entrada y e miles di negoshi sin entrada por lo pronto. Y pa nos no lubida e guia pa lanta nos economia y diversifica esaki..
Tanto partido P.O.R como esnan cu ta forma e actual coalicion lo mester tene cuenta bon cu interes Arubiano na prome luga y duna nan prioridad enbes di un lucha pa poder politico interno den un di e organisacionnan aki.
