Un beer a cana rond un suburbio di Los Angeles ayera, atrayendo hende curioso y medionan di comunicacion.
E beer relahadamente a cana riba caya y den cura di hende na Monrovia, cu ta sinta na pia di Montaña San Gabriel. Departamento di Polis di Monrovia a bisa cu oficialnan tabata vigilando, y personal di departamento di Pisca y Bida Salvahe a ser yama na e bisindario.
Ta kere cu ta e mesun beer cu a mira un dia prome na Monrovia, unda no ta inusual pa animalnan sali for di e boske grandi cu ta riba e ciudad.
Website di e ciudad pa siguridad di beer ta nota cu beer ta sali di nan guarida di winter y bolbe e pia di e montaña buscando cuminda ora clima cuminsa keinta.
Usualmente esaki ta na spring, pero winter di Sur California ta hopi suave. Temperatura a aumenta na 26.6 Celsius den San Gabriel Valley diahuebs.
E beer bishitante mas famoso di Monrovia tabata Samson the Hot Tub Bear, kende a disfruta di pool den cura di casnan na añanan 1990. Eventualmente a mand’e bibab den Orange County Zoo.
