(AP) – The Beatles lo ricibi tratamento di 4 pelicula riba pantaya grandi den no solamente 1 pelicula sino un set di 4 pelicula cu lo duna cada miembro di e manda su momento pa briya, tur di nan dirigi pa Sam Mendes.
Pa prome biaha, The Beatles ta dunando derechonan di bida y musica completo a un proyecto di pelicula. Sony Pictures a anuncia dialuna un trato cu lo surpasa tur pelicula di su tipo cu a sali prome cu esaki, cu storianan di Paul McCartney, John Lennon, George Harrison and Ringo Starr plama den un quartet di pelicula.
E peliculanan crea pa Mnedes, ta premira di ser lansa den un manera innovativo, cu e peliculanan potencialmente coexistiendo y den otro den e cinemanan. Plannan di lansamento preciso lo keda anuncia na un fecha mas despues. Sony tin e meta di aña 2027 pa lansa esaki.
McCartney, Starr y e famia di Lennon cu Harrison tur a firma riba e proyecto via e banda su Apple Corps. LTd. Sony Music Publishing ta controla e derecho di mayoria di e canticanan di Beatles. “Mi ta honra di conta e storia di e banda di rock mas grandi den historia y mi ta emociona pa desafia e nocion di kico ta constitui un salida pa bay wak pelicula,” Mendes a bisa den un declaracion.
Cada pelicula lo ta den e perspectiva di un Beatle.
“Nos tin intencion pa esaki ta un experiencia cinemativo epico y unico; 4 pelicula, conta for di 4 diferente perspectiva cu ta conta un solo storia tocante e banda mas celebra di henter historia,” productor Pippa Harris a expresa. “Pa tin The Beatles y Apple Corps su bendicion pa haci esaki ta un privilegio inmenso.”
The Beatles su experiencia cu peliculanan ta den nan añanan di comienso. Entre 1964 y 1970, nan a aparece den 5 pelicula incluyendo “A Hard Day’s Night” (1964) y “Yellow Submarine” (1968). Tambe claramente, nan tabata suheto di varios documentario, mas recientemente Peter Jackson su 2021 “The Beatles: Get Back.”
Den aña 2023, Beatles a reuni cu e ayudo di inteligencia artificial den un cantica nobo “Now and THen.” E grabacion a ser haci posibel pa tecnologia usa pa Jackson riba “Get Back” y tabatin un video musical crea pa e director di New Zealand.
E combinacion di Mendes su ekipo “cu e storianan di nos 4 hombernan cu a cambia e mundo, lo impacta audiencianan den henter e mundo,” Rothman a bisa.
