ORANJESTAD – Durante fin di siman e den competencia di beach tennis Duo mixto Aksel Samardzic y Dominique Hopman a logra medaya di Plata den e Weganan Sur Americano di Playa na Rosario, Argentina. Duo mixto Aksel Samardzic y Dominique Hopman a logra medaya di Plata den e Weganan Sur Americano di Playa na Rosario, Argentina.
E atletanan di beach tennis di Aruba a enfrenta e faboritonan Brazil unda nan a inicia bon pero despues Brazil a tuma e reyenda di e wega y ta gana e prome set 6 – 3. Den di dos set Aruba ta purba pero e rival simplemente tabata den forma unda nan a gana 6 – 1.
Asina Aruba ta logra nan di dos medaya di Plata na Rosario. Duo femenino Maud Celaire y Dominique Hopman no ta logra medaya di Brons y ta keda na di cuater luga na Rosario, Argentina.
Apesar di a hunga un tremendo partido pa e di tres y cuater luga contra di Argentina, e dos hobennan Celaire y Hopman a duna bon bataya unda nan ta perde e prome set 6 – 3, den e di dos set Aruba a pone presion pero no por a manda e wega na nan fabor. Na e score 4 – 4, Argentina a gana e ultimo dos puntonan y gana cu e score final di 6 – 4.
Tanto Maud como Dominique sigur por mira tras di un super bon torneo. E atleta Aksel Samardzic a logra dos medaya di Plata y un medaya di Brons mientras Dominique Hopmam y Sander Castro a logra e medaya di Plata. Esaki ta segun e fuente 297 Sports.
Pa loke ta e resultado overall mester bisa cu e deporte di beach tennis a skirbi historia pa Aruba door di logra 2 medaya di Plata y 1 medaya di Brons den e weganan di Playa esaki den nos prome salida. Sin duda un tremendo logro mes cu ta bisa riba e futuro di e deporte aki.
