(NLTimes) – Gobierno ta investigando un posibel donacion ilegal na e partido BBB, segun vocero di e Ministerio di asuntonan interior a conta BNR. Esaki ta trata un donacion for di ReMarkAble, e agencia di comunicacion di Wim Groot Koerkamp, un di e fundadornan di e partido.
ReMarkAble a haci hopi trabao pa BBB desde e partido su fundacion, for di maneha su tienda online te na distribui comunicadonan di prensa. E compania a banda BBB mas di 200,000 euro den invoice for di aña 2022 segun BNR. Tesorero Jan Brok a conta e noticiero cu ReMarkAble a otorga BBB un descuento di 40 pa 70 euro riba e tarifa pa ora, cual ta 110 euro pa ora dependiendo riba e trabao.
Ministerio di interior, responsabel pa supervisa financiamento di partidonan politico, ta considera e tipo di descuentonan aki un donacion na e partido. “Si un persona of compania provee un servicio gratis of cu descuento riba e prijs di mercado pa e servicio aki, e diferencia mester ser mira como un regalo of donacion,” e Ministerio su vocero a splica BNR. Pa ley, e tipo di donacionnan aki mester keda publica den e partido su reportahenan anual. Sinembargo, BBB su reportahe di aña 2022 no ta reporta ningun tipo di donacion. E reportahe di 2021 si a reporta donacion for di ReMarkAble di 45,000 euro, sinembargo e accountant a nenga firma esaki a causa di falta di “informacion di audit” tocante e donacion.
Si e ministerio conclui cu e partido ta den violacion di e reglanan, e por impone un boet administrativo. Sinembargo segun BNr, rarabes esaki ta pasa. Den teoria, e Ministerio tambe por duna ordo pa e partido paga e donacion ilegal.
Ni BBB ni Wim Groot Koerkamp a responde na BNR su peticion pa comentario.
