Companianan di tecnologia y casi mita di estadonan Mericano ta bringando contra administracion di Trump den corte federal, tocante e revocacion di ley di neutralidad di internet, un set di regla dirigi pa preveni proveedornan di internet di discrimina contra cierto tecnologia y servicionan.
E enfrentamento a tuma luga den un audiencia den corte federal di apelacion ayera. E companianan, incluyendo Mozilla y Vimeo, kier pa huesnan restaura e regimen di neutralidad di internet. El a wordo poni durante administracion di Obama na 2015 y revoca na december 2017 bou un regulado apunta pa presidente Donald Trump.
E reglanan tabata prohibi pa proveedonan di cable, wireless, y otro broadband blokia of baha velocidad di websitenan di nan escogencia, of cobra Netflix y otro servicionnan extra pa alcansa e publico mas lihe.
Abogadonan pa e estadonan y e companianan a purba di persuadi e panel di tres hues pa restaura e regimen di neutralidad di internet. Abogado Pantelis Michalopoulos a bisa cu revocacion di e reglanan di neutralidad di internet ‘ta un golpi den curason di e Communications Act’, referiendo na un ley di era di Depresion, estableci pa FCC.
E caso lo continua den corte den dianan proximo. Potret di The Verge.
