Diasabra marduga polisnan a drenta Hendrikstraak y na final di e caya a cuminsa controla.
Polis hunto cu e team di Guarda Nos Costa mirando e ora a dicidi bay controla Silla Bar Restaurant.
Autoridad a canta bingo eynan, casi 10 persona ilegal o sea nan no por a mustra autoridad ningun documento ta wordo haya eyden.
Guarda nos costa a detene te hasta persona ilegal trahando den e establecimento. E dama a nenga cu e ta traha eynan y a bisanan cu e tabata den baño y a spanta ora ela wak autoridad y cu ta pesey ela actua asina.
Nan no a kere y a detene, y si tur cos ta na ordo e ta wordo laga den libertad, si no e ta wordo deporta.
Mas o menos casi 30 persona ilegal a wordo deteni durante e accion.
Polisnan a keda controla parti pafo, y a para un grupo di motociclista, mester bisa cu tur tabata tin nan helmnan bisti. Tur mester a para pa wordo rista, pero no ta haya nada particular ariba niun di nan.
