(AP) – E icono Shakira a ser inmortalisa den su bario natal Colombiano, Barranquilla, unda oficialnan a revela un estatua gigante di brons di e cantante conoci rond di mundo pa su canticanan pegahoso y su bailenan impresionante.
E monumento di 6 meter ta ilustra e ganadora di varios Grammy y Latin Grammy den un di su vestuarionan famoso pa e baile ‘belly dancing’, den un di e posicionnan pa cual e ta mas conoci. Un placa bao di e estatua ta bisa cu riba dia 2 di februari na aña 1977, Barranquilla y henter mundo a presencia e nacemento di un curason cu ta compone, ‘hips that don’t lie’, un bos cu ta move curasonnan y un par di pianan cu ta cana pa e bienestar di muchanan y henter humanidad.”
E estatua, localisa riba un promenada recientemente construi na Rio Magdalena cu ta core na e rand di e bario, a ser revela cu un ceremonia chikito riba diamars cu presencia di Shakira su mayornan y e alcalde Jaime Pumarejo. Sinembargo, e gigante di brons no ta e bario Caribense su prome estatua di Shakira. Den 2006, Barranquilla a revela un monumento cu ta mustra Shakira den su dianan di comienso, ta toca un guitara acustico cu jeans y boots. E estatua aki ta rond di e stadion di futbol local.
Den un publciacion riba X, anteriormente conoci como Twitter, Shakira a duna danki na e escultor Yino Marquez y su studiantenan na Barranquilla su academia di arte publico pa e estatua mas recien, cual el a describi como un prueba di e talento “enorme” cu e ciudadanonan di Barranquilla tin.
E cantante a gana 3 Latin Grammyh e aña aki y tambe a bira topico den noticia den januari ora cu el a publica un colaboracion cu Bizarap, den cual el a papia tocante su ex pareha y cu a kibra recordnan di YouTube. Tambe el a yega un areglo anteriormente den
