(AP) — Cuatro barco di guera Ruso, incluyendo un submarino di energia nuclear, ta bay yega Havana e siman aki, segun oficialnan Cubano a bisa diahuebs ultimo, citando “relacionnan historicamente amistoso” entre ambos pais y mientras tension ta escala tocante sosten militar pa Ucrania den su guera cu Rusia.
Ministerio di Exterior Cubano a bisa den un comunicado di prensa cu e barconan ta bay ta na Havana entre dia 12 pa 17 di juni, notando cu ningun di nan ta bay carga arma nuclear y sigurando cu nan presencia “no ta representa un menasa na e region.”
E anuncio a yega un dia despues cu oficialnan Mericano a bisa cu Washington tabata track barco y avion di guera Ruso cu tabata spera pa yega Caribe pa un ehercicio militar. Nan a bisa cu e ehercicio lo ta parti di un respuesta Ruso mas amplio pa e sosten di Merca pa Ucrania.
E oficialnan a bisa cu presencia di ehercito Ruso tabata notable pero no preocupante. Sinembargo, e ta tuma lugar mientras presidente Ruso, Vladimir Putin, a sugeri cu Moscu por tuma “stapnan asimetrico” na otro lugarnan di mundo como respuesta na e decision di presidente Mericano, Joe Biden pa permiti Ucrania usa e armanan cu Merca a provee pa ataca dentro di Rusia pa protege Kharkiv, e di dos ciudad mas grandi di Ucrania.
Ministerio di Exterior Cubano a bisa cu e cuatro barco Ruso ta e frigata “Gorshkov,” e submarino di energia nuclear “Kazan”, e tanker “Pashin” y e salvage tug “Nikolai Chiker.”
Durante yegada di e flota na e waf di Havana, 21 salvo ta bay keda dispara for di un di e barconan como un saludo na e nacion, cu ta bay reciproca cu un bateria di artileria di e Forsanan Arma Revolucionario Cubano, ministerio di Exterior a bisa.
