ROMA – Un barco humanitario a yuda carga 64 migrante cu a wordo rescata den lama Meditereano riba diahuebs, despues di cu Italia y Malta a nenga pa nan yega, lagando e migrante drumi den condicion dificil hunto cu tormenta.
E negacion a set up e escenario pa otro problema cu migrante Mediteraneo, cu por wordo resolve unicamente si algun miembronan di Union Europeo bay di acuerdo pa acepta e solicitantenan di asilo.
Carlotta Weibl, e voceru di organisacion humanitario di Alemania, a bisa cu e barco tabata cerca di Italia su isla Lampedusa.
“Nos no sa unda pa para, Malta ta bisa nos no mag drenta nan awa, y tampoco permiso for di Italia”, Weibl a bisa. E 64 migrantenan tin un baby cu a cab’i nace y un mucha. E barco ta chikito pa asina hopi hende, cu hende ta drumi riba deck.
Mateo Salvini, minister di asunto interior di Italia, a bisa cu e pais no lo acepta migrante pa motivo cu e ta un barco Aleman e mester bay ‘Hamburg’. Weibl a bisa cu esey ta ridiculo, pa motibo cu e ciudad Aleman no ta localisa den e Mediteraneo.
“E ta un biahe di 3 pa 4 siman pa Hamburg, nos no tin cuminda ni awa, e ta fuera di e plan”, el a bisa. Problemanan similar den lunanan recien, involucrando botonan di rescate cu speransa pa yega Italia y Malta eventualmente a wordo resolvi ora otro miembronan di UE a bay di acuerdo pa tuma algun di e migrantenan.
Pero mayoria di persona ta den centro di ambos pais. Weibl a bisa cu e barco ‘Alan Kurdi’ ta eunico cu ta operando den Mediteraneo, pa motibo cu varios gobierno a rechasa pa duna permiso pa barco di yudansa opera.
