Diaranson proximo e barco di defensa nobo, di marina den region Caribe ta yega Aruba. E barco aki lo fungi pa e proximo cuatro (4) luna nan como base den region Caribe.
E fregat multifunctional Zr. Mr. Van Amstel di marina real te drenta Paardenbaai 08:30 di mainta y lo wordo ricibi cu tironan desde canto, dilanti e pier di Westdeck. E Militia Arubano ta haci e acto di ceremonia dilanti esunnan presente, ariba tera dilanti e pier di Westdeck. Despues cu Zr. Ms. Van Amstel drenta, esaki ta bay mara na waf, Aruba Ports Authority. E barco ta reemplasa Zr. Ms. Holland, cu durante e ultimo luna nan tawata activo den nos region. Holland a yuda entre otro durante temporada di horcan Matthew na Haiti. Durante diferente captura e barco a brinda asistencia pa combati droga (anti-drugsoperaties)
E barco tin mas tarea nan
Durante e proximo cuatro (4) luna nan van Amstel lo opera den region Caribe. A pesar di presencia maritimo y brinda asistencia den necesidad, e tarea primordial di e fregat ta pa combati droga (counterdrugdoperaties). E momento ey e barco ta brinda asistencia pa marina real, Kustwacht den region Caribe, y tambe e organisacion Mericano counterdrugsorganisatie international ‘Joint Interagency Task Force South’. Na caminda pa Curaçao y Aruba e barco a haci diferente ehercicio entre otro operacion nan cu su helicopter maritimo, NH-90.
No ta pornada e fregat aki ta wordo yama multifunctional. A pesar di su tarea nan den region Caribe, tambe e por combati operacion nan ilegal bou di awa. Banda di esey un M-fregat por wordo uza pa combati ilegalidad aereo.
Aña pasa Zr. Ms. Van Amstel a brinda asistencia ariba lama den region di Grecia pa descubri traficacion di hende.
