WILLEMSTAD – Gobierno di Curaçao a nenga salida di e barco Seven Seas cu lo a sali pa Venezuela cu un cargamento di ayudo humanitario cu a drenta anteriormente e isla, como un di e tres puntonan di recoleccion di ayudo, banda di Cucuta, Colombia, y estado Roraima, Brasil, cerca di frontera sureste cu Venezuela. Autoridadnan lo a considera cu no tin garantia cu e barco lo ta bonbini na Venezuela.
Tambe tabatin obstruccion di banda di e sindicatonan di refineria Isla cu tabata contra e recoleccion di ayudo humanitario na e isla. Segun e organisadornan di e ayudo, polis no a interveni durante e accion di e sindicalistanan. E ayudo di e caso aki ta procedente di Florida, unda comunidad Latino ta recauda ayudo pa Venezuela. E organisacion encarga ta yama Coalition Aid & Freedom.
Di banda di gobierno di Curaçao, a duna un declaracion den cual ta mustra riba e necesidad di un envi sigur di e material pa Venezuela, sin uso di forsa. Esaki a base di e acuerdo cu gobierno a cera cu parlamento di e isla.
E organisadornan di e tarnsporte despues a opta pa biaha pa Bonaire, pa cual gobierno di Curaçao no por tabatin obhecion.
Otro barco na Bonaire
Diasabra marduga un barco Midnight Stone cu ayudo humanitario pa Venezuela, procedente di Puerto Rico, a mara na Bonaire. Nan no a logra pasa marina Venezolano y a dicidi di tuma rumbo pa Bonaire. E carga di cuminda y medicamento ta loke comunidad Latino na Florida a recauda.
