Carnival Spirit ta e barco mas recien di Carnival Cruise Line pa duna asistencia den un rescate riba lama, ya cu e barco a salba 24 persona cu tabata perdi riba lama riba un barco chikito e siman aki, segun website cruiseradio ta reporta.
E barco tabata na lama entre Republica Rominicana y Puerto Rico en ruta pa Aruba, na momento cu agentenan a mira e grupo di persona den problema riba lama. Miembronan di tripulacion di e crucero a subi tur e 24 persona for di e barco chikito abordo di e crucero pa nan seguridad.
Personal medico di Carnival Spirit a haci un chekeo di tur persona y a haya cu tur di nan tabata den bon condicion. Agentenan a tuma contacto cu oficialnan di wardacosta for di Puerto Rico y Republica Dominicana pa coordina un transferencia.
Pa 2pm, un cutter di wardacosta a yega pa tuma e 24 nabegante cerca di costa di La Romana, Republica Dominicana, y Carnival Spirit a continua cu su ruta.
E barco tabatin un dia riba lama riba diamars ultimo, y su yegada na Aruba diaranson dia 12 di april tabata segun schedule y e suceso no tabatin ningun impacto riba esaki.
Spirit a sali for di PortMiami riba diasabra dia 8 di april y ta programa pa bolbe dia 15 di april. Otro port calls den su itinerario ta Half Moon Cay y Grand Turk, cu e barco tambe bishitando Bonaire riba diahuebs.
Carnival Spirit ta clausurando un temporada di crucero den Caribe y ta bay sali den un biahe di 16 dia den Canal di Panama for di Miami pa Seattle riba diadomingo. Despues e ta bay pasa e berano operando crucero di siete anochi na Alaska.
Potret cortesia di Carnival Cruise Line.
