(LoopBarbados) – Dialuna, dia 18 di maart, prome minister Mia Amor Mottley a duna apertura na su Discurso Presupuestario contestando e pregunta den tur mente: ta bay tin mas impuesto? El a bisa vehementemente cu no, pero a indica cu tin ahuste den horizonte.
“No ta bay tin impuesto nobo. Pero mi ta bisando boso di frente, y mi ta bay adverti boso cu ta bay tin ahuste durante e aña aki di algun tarifa cu nos ta bay tin mester pa e pueblo por carga, si e servicionan cu ta depende riba e tarifanan aki mester keda cu e nivel di servicio cu pueblo di Barbados kier,” el a bisa.
Atendiendo critica di prestamonan di gobierno, Mottley, kende tambe ta minister di Finanzas y Asunto Economico, a sigura cu e debe nacional no a alcansa “nivelnan inmanehable.”
“Debe di Barbados no ta galopando for di control, y e tasa di debe-pa-GDP no ta precario. E Partido Labor di Barbados aki no a aumenta e debe nacional na nivelnan inmanehable. De hecho, e debe nacional ta mas abao cu ora nos a asumi nos cargo na 2018.”
E prome minister a revela cu gobierno tin intencion pa reduci e debe nacional na 60 porciento pa aña 2035. E cu februari 2024, e tasa di debe-pa-GDP tabata na 114.6 porciento, un contraste fuerte cu e 178.9 porciento ora su Partido Labor di Barbados (BLP) a asumi su cargo na 2018.
El a splica cu e pais a sufri 23 downgrade bao liderazgo di Frunedel Stuart. Sinembargo, economia a experimenta 11 kwartaal consecutivo di crecemento y ta spera di crece cu cuatro porciento e aña aki.
“Despues di añas di downgrade, e economia awo ta creciendo… A pesar di e retonan, nos tabatin 11 kwartaal consecutivo di crecemento, y nos ta bay mira e di 12 pa fin di e luna aki,” Mottley a comenta.
Adicionalmente, desempleo a reduci na ocho porciento.
E prome minister a indica cu e pronostico economico di e pais pa 2024 ta keda “optimista” despues di dos aña di reto. El a comparti cu e reservanan ta mas halto na $3.2 biyon y mas di 33 siman di cobertura di importacion.
