(AP) – Banda di Ucrania Kalush Orchestra y su miembronan su himno cu ta un combinacion di e generonan folk/hip-hop na e nacion actualmente den guerra ta e faborito actualmente pa gana e competencia Eurovision Song Contest, como un evento cu tin e intencion di celebra diversidad y promove amistad entre nacionnan.
25 banda tin e meta di competi diasabra den e gran final di e competencia di skirbimento di cantica anual. E ta tumando luga na e ciudad industrial di Italia, Turin. Aña pasa, 183 miyon persona competencia riba television.
Pa e comunidad di Ucrania na Italia, Kalush Orchestra su participacion na un nivel asina popular internacionalmente ta pone un enfasis importante den e cultura di Ucrania mientras cu ta provee un plataforma cu ta mantene atencion enfoca riba Rusia su invasion di Ucrania.
Mas o menos 50 persona a crea un presentacion diripente ora cu Kalush Orchesta a aparece riba un escenario na aire liber den Turin e siman aki, ilustrando e yamado internacional pa yuda saca e ciudadanonan fuera di un planta na Ucrania.
“Nos ta mira Eurovision manera un evento internacional unda cu e presencia di Ucrania y e cultura di Ucrania ta hopi importante,” Zoia Stankovska, un abogado basa na Milan cu a yuda organisa e presentacion. “Na e momentonan aki, Eurovision tambe ta un luga unda cu boso por tende nos bos.”
Kalush Orchestra su cancion pa Eurovision “Stefania” a keda skirbi como e grupo su tributo na su mama, pero a bira un himno pa e pais desde cu Rusia a invadi dia 24 di februari.
E cantica ta un combinacion di musica tradicional di Ucrania y elemtnonan di Hip-Hop, cual ta un moda den e musica di Ucrania specialmente desde Rusia su anexo di Crimea, cual ta ofrece un mensahe specialmente fuerte contra di Rusia su comentario cu cultura di Ucrania no ta unico.
E banda su exito ta birando un motivacion pa personanan di Ucrania bibando na Italia, Stankovska a bisa. “Ora cu bo tin cosnan asina teribel ta pasando rond di bo, e ta sinti bon pa ricibi bon noticia,” el a expresa.
