(AP) – Un di Venezuela su bandanan mas popular a cancela su tour na cas despues cu President Nicolas Maduro a critica e grupo pa loke e ta bisa ta letranan siesta, un accion cu varios a bisa ta un atake di e lider riba e banda su acogida pa su oposicion politico.
Rawayana, un nominado di Grammy pa 2025, tabatin plan di duna concierto sold-out na e pais cuminsando e siman aki, sinembargo e conceritonan a cancela repentinamente diamars anochi.
Riba diadomingo, Maduro a critica e grupo su cantica hit “Veneka” – un termino usa pa Latinoamericanonan durante hopi tempo pa referi na Venezolanonan, pero cu den ultimo añanan a bira un termino denigrante a medida cu miyones di Venezolano a plama na e continente, purbando di huy for di pobresa y Maduro su mando cu cada biaha ta birando mas autoritario.
“E grupo cu a haci e cantica no solamente a daña tur cos, nan a trapa riba tur cos,” Maduro disgusta a bisa na un mitin di Caracas, e pais su capital. “E muhenan di Venezuela ta yama Venezolana cu respet y dignidad. Nan ta Venezolano, no venekas!”
Rawayana a tuma e termino como nomber di su cancion, cual ta mescla salsa cu e genero electronic dub ademas di letranan misogeno. Sinembargo, e banda ta bisa cu e cantica ta celebra muhenan Venezolano su bunitesa y forsa.
E tour mester a ta un tipo di bon bini back cas pa Rawayana, ken a forma na Caracas den 2007.
Algun di su miembronan, manera miyones di Venezolano, a bandona nan cas den añanan recien mientras e economia a empeora y Maduro a fortalece su posicion den poder. Mientras cu e grupo a mantene su mes bastante leu di politica, el a haci uso di su bos poderoso entre hubentud Venezolano pa protesta contra Maduro su reeleccion zomer ultimo den medio di acusacionnan amplio di fraude.
“Esaki ta con nos ta bisa ayo na nos pais te proximo aviso,” e grupo a bisa den un publicacion riba rednan social anunciando e tour cancela. “Nos musica no tin e intencion di dividi… Peace.”
Curisa, un festival di musica di dos dia cu mester a tuma luga na Caracas y cuminsa e siman aki, tambe a keda cancela. E organisadornan di e festival tambe tabata productor di Rawayana su tour Venezolano.
Varios Venezolano a subi rednan social pa denuncia loke nan ta considera un atake inhusto riba e grupo di parti di Maduro.
“Nunca mi a bay un concierto den mi 23 aña na bida y cu gran esfuerso mi a logra spaar mi placa,” un persona disgusta a bisa riba Instagram. “Nos
