(NLTimes) – Banconan cada biaha ta ehecutando evaluacionnan pa verifica cu nan clientenan no ta labando placa, financiando terorismo of violando sancionnan, De Nederlandsche Bank (DNB) a bisa dialuna.
Na mesun momento, Banco Central a nota cu algun banco ta atrasando of disminuyendo nan mehoracion pa evaluacion y control. Como resultado, nan mester haci mas trabao pa nan control ta na ordo.
For di juli 2022 te december di aña pasa, DNB a evalua si e banconan tabata cumpliendo cu e controlnan. DNB a bisa cu nan a mira diferencianan grandi entre banconan y ta kere cu algun banco mester mehora nan evaluacion di riesgo. Analisis di data profundo ta ehecuta solamente te un grado limita.
Pa ley, fiadonan mester conduci investigacionnan adicional si nan ta sospecha cu un cliente ta labando placa, financiando terorismo of no ta cumpliendo cu un sancion. Segun DNB, varios banco no semper ta reporta si un cliente por ta labando placa, aunke nan ta rekeri di haci esaki.
E banco central no a bisa con hopi banco no ta cumpliendo cu e reglanan aki na e grado necesario ni tampoco no a bisa cua banconan tin cu haci un miho trabao. DNB a reporta cu el a duna 10 boet na organisacionnan financiero entre juli 2022 y december 2023. Por ehempel, oficina di confiansa TMF a ricibi un boet di mas di 3 miyon euro juni ultimo pa motibo cu su cliente no tabata cumpli cu rekisitonan legal. E oficina pa e motibo aki no tabata sa realmente con e cliente ta obtene su placa.
