Banconan Central mayor a uni hunto pa explota si na mester lansa monedanan digital mientras uzo di cash ta disminui y mas persona ta cambia pa metodonan di pago digital.
E grupo di estudio ta conforma pa Banco Central Europeo, Banco di Hapon, Banco di Canada, Banco di Inglatera, Riksbank Sueco y Banco Nacional Suiso.
Nan a bisa den un declaracion ayera cu nan lo evalua e caso potencial pa moneda digital den nan hurisdiccion. E banco central Sueco ya a studia e asunto pa varios aña y a comisiona un proyecto piloto mientras uzo di cash ta disminui den e pais aki. Ainda no a tuma ningun decision.
Cryptomonedanan existente, manera Bitcoin, no ta bon pa paga pa cosnan pasobra nan balor por varia demasiado. Facebook a sostene e proyecto Libra pa un asina-yama ‘stablecoin’, un moneda digital vincula na monedanan existente. Varios partner mayor manera Visa, MasterCard, PayPal y eBay a bandona e asociacion cu a set up pa supervisa Libra mientras e ta enfrenta resistencia di autoridadnan regulatorio.
E grupo lo evalua problemanan tecnico y comparti conocemento riba tecnologia vanguardista. E lo ta co- presidencia pa Benoit Coeure, un ex- oficial top di ECB, y Jon Cunliffe, gobernador interino di Banco di Inglatera.
