Banco Central di Aruba a tuma e decision, efectivo dia 1 di maart ultimo, pa aumenta e obligacion di reserva di diescuatro na diesseis porciento. E decision aki a bin principalmente pa motibo di e amplio exceso di likides den banconan comercial.

Esaki segun un relato den portal noticiero, aruba.nu. Banconan comercial tin e obligacion pa tene un cantidad specifico di placa como reserva den Banco Central. Esaki ta yuda stabilisa e tasanan di interes cu e banconan ta cobra entre nan pa e placa a corto plaso.

Esto ayuda a estabilizar las tasas de interés que los bancos se cobran entre sí por el dinero a corto plazo.

Compara cu fin di december di 2021, e reservanan internacional a aumenta 21 di januari 2021 cu casi 50 miyon florin. E aumento den reservanan internacional tabata atribui en gran parti na entradanan for di turismo. Mientras tanto e reservanan oficial a aumenta cu alrededor di 16 miyon florin. Como consecuencia, e reservanan oficial y internacional a alcansa respectivamente 2.7 y 3.1 biyon florin te cu dia 22 di januari 2022. Por lo tanto, e nivel di reservanan a keda adecuado.

Desaroyo di credito
Na december 2021 e volumen di credito total di e banconan comercial a reduci cu casi 140 miyon florin compara cu fin di aña pasa. Esey ta un reduccion di 3.5 porciento y esaki awo ta alcansa 3.8 biyon florin.

E reduccion aki tabata causa door di, entre otro, 26 miyon florin menos den prestamo na particularnan, y un reduccion di alrededor di 22 miyon florin den prestamonan comercial.

E reduccion den prestamo na particularnan tabata causa door di menos credito di consumidor, cual apenas tabata compensa parcialmente door di un aumento di hipoteca di vivienda.

E reduccion den prestamonan comercial tabata alabes consecuencia di e reduccion den hipotecanan comercial, como tambe di e overdraft y prestamonan a plaso.

Inflacion
 Na december 2021, Aruba a bira 3,6 porciento mas caro compara cu e mesun luna un aña pasa. E averahe di inflacion a conta pa 0.7 porciento pa luna.

E inflacion tabata principalmente e resultado di prijsnan mas halto pa gasolin, cual tambe tabatin influencia riba e componente ‘transporte’. E aumento aki tabata reforsa door di prijsnan mas halto pa productonan di hogar y comestible.

Likides di banconan comercial
 E exceso di likides di banconan comercial a aumenta na 1,3 biyon florin na december 2021, compara cu 1,1 biyon florin na december 2020.

E analisis mensual a laga sa cu e exceso agrega di likides na december 2021 compara cu november 2021 a aumenta, a pesar di e aumento di obligacion di reserva cu un punto porcentual for di december 2021. E aumento di e obligacion di reserva a wordo balansa pa un aumento di medionan likido reteni pa banconan comercial.

E medionan likido total den banconan comercial ta consisti di cash, cuentanan actual y depositonan cu plaso fiho den Banco Central, depositonan a plaso fiho den otro banconan comercial, balornan a corto plaso, bono di gobierno, y otro balornan negociable.

Door di esaki, e nivel di exceso di likides ta aumenta y ta keda riba e nivel pre-pandemia. E nivel halto di exceso di likides den banconan comercial local ta parcialmente consecuencia di e demanda modera continuo pa credito.

Ademas e programanan di subsidio di salario y FASE di gobierno di Aruba – pa mitiga efectonan economico di e crisis di Covid-19 – probablemente a contribui na e exceso di likides den banconan comercial.