Barclays, un banco basa na London, ayera a stop un programa di software cu ta monitor productividad di empleadonan – incluyendo break pa bay baño – despues cu campañadonan di privacidad a describi esaki como ‘creepy’.
Corant The City A.M. a reporta cu e banco a instala e programa estilo ‘Big Brother’ cu ta track con largo empleadonan tabata sinta na nan bureau y manda advertencia si nan bay demasiado largo riba break.
E programa a track productividad en bibo y a registra break pa bay baño como ‘actividad no contabilisa’. Empleadonan lo ricibi un sesion di informacion diario, completo cu tipnan manera ‘pone bo telefon den silencio’ of ‘deshabilita pop up di email/chat’, segun e corant.
Campañadonan pa derechonan humano, manera Silkier Carlo, director di Big Brother Watch a reta e idea, argumentando cu monitor intrusivo ‘ta nenga personal e privacidad, respet y dignidad cu nan merece na trabou’.
“Managernan nunca lo ser permiti pa keda riba empleadonan, personalmente monitor nan pantaya of registra break pa bay baño of bebe awa”, Carlo a bisa den un declaracion. “E disponibilidad di tecnologia pa spiona empleadonan mas sutilmente no ta haci esaki mas aceptable. E uso di tecnologia aki ta ‘creepy’.”
“Nos intencion semper tabata pa scucha feedback di coleganan como parti di e piloto limita aki, cu tabatin intencion di aborda problema manera demasiado trabou individual, como tambe aumenta productividad general”, e banco a bisa. “Como respuesta na e feedback di coleganan aki, nos a tuma medida pa sigura cu ningun data personal ta accesibel pa managernan.”
