(NLTimes) – Amsterdam Trade Bank (ATB), un subsidiario Hulandes di e banco Ruso Alfa Bank, a ser declara bancarota. E banco su miles di cliente por haya nan placa cu nan a spaar te cu 100,000 euro pa medio di e skema di garantia di deposito.
E banco mes a aplica pa bancarota, cual a ser otorga pa e corte na Amsterdam. Sancion Britanico y Mericano a comproba di ta fatal pa e banco, segun Toni van Hees. Por ehempel, agencianan cu ta suministra programacion ya no por a haci negoshi cu ATB pa causa di e sancionnan, haciendo e hopi dificil pa sigui cu e programacion di banco. Ademas, e banconan grandi di Hulanda ta nenga di cumpli cu ordo di ATB, regulador De Nederlandsdche Bank (DNB) a skirbi na Ministerio di Finanzas.
ATB ta existi desde ana 1994 segun informacion riba e banco su mesun website y ta emplea mas o menos 150 persona. Su banco mayor, Alfa Bank, ta un banco Ruso funda pa Rusonan Petr Aven y Mikhail Fridman. Nan ta riba e lista di sancion di e Union Europeo pa motibo cu nan ta pertenece na e circulo di Putin su confidentenan.
Fridman tin interes den ATB entre 25 pa 50 porciento, segun e registro di Camara di Comercio. Pa causa di ATB su raiz Ruso, DNB a haci nan supervision mas estricto desde februari. Por ehempel, e supervisor a pidi pa e banco localisa na Amsterdam pa extra garantia cu e sancion lo ser supervisa apropiadamente.
Esaki ta nifica, entre otro, cu ATB no tabatin permiso di conduci negoshi ni transaccion su Fridman ni su propio doñonan tampoco. E shareholder tambe a ser poni na distancia di e maneho diario di ATB.
