Siman pasa hunto cu Minister President, Minister di Finanzas a atende un reunion cu ehecutivonan di Banco Mundial, cu ta na Aruba pa haci un sondeo pa un investigacion riba costo pa haci negoshi na Aruba.
E siman tras di lomba a tene diferente reunion cu stakeholders pa haci un ‘pre-assessement’ necesario prome cu haci e investigacion aki riba ‘Cost of Doing Business’ na Aruba, segun un comunicado di gobierno.
Na comienso di aña nobo, e mandatarionan lo ricibi e resultado preliminar y lo haya un bista miho di e embergadura di e investigacion y tambe e costo cu esaki lo tin cune. Den un investigacion asina lo por compara Aruba su economia tambe cu otro paisnan similar y asina duna Gobierno un bista di e competencia pa nos Pais.
Na final di e investigacion Banco Mundial lo brinda su recomendacionnan pa mehoracion na Gobierno di Aruba.
