Banco Central di korsw y Sint Maarten ta preocupa pa e ritmo slow di e asistencia priminti di e recuperacion, reconstruccion y resiliencia di Sint Maarten su trustfund y e posibel daño irreparabel di e competitividad di e pais como resultado.

Mientras tur otro recursonan a contribui significantemente na e capacidad di recuperacion y recuperacion di e economia di Sint Maarten, e asistencia di e trustfund a wordo limita desde principio”, esaki ta locual e banco a skirbi den un comunicado di prensa.

Den esaki tin cu desde horcan Irma a pasa na 2017, nan solamente a paga 34.8 miyon di e 550 miyon cu a wordo priminti. “ E recuperacion di e economia di Sint Maarten por tabata mas lihe y centra den un miho capacidad di recuperacion pa miho futuro pa desaster natural”.

Horcan Irma a destrui Sint Maarten na september 2017. E horcan a daña e infrastructura economia vital di e pais gravemente, manera e aeropuerto y hotelnan grandi. E daño causa un disminucion fuerte y doloroso di e actividad economico hunto cu e aumento di desempleo.

Burocracia

Segun e banco ta incomprensible cu awo mas di dos aña despues di e horcan, nan a paga menos cu siete porciento di e ayudo priminti. “ Desde un punto di bista economico, Sint Maarten a keda so”, esaki ta locual e presidente interino di Banco Central José Jardim a bisa. “ Simplemente asigna recursonan pa e recuperacion economico di e pais no ta suficiente. Den cambio e uzo efectivo di e recursonan ta necesario pa continua cu e recuperacion.

Habitantenan di Sint Maarten por wak con e fondonan priminti pa alivia e sufrimento economico y emocional a wordo tuma como rehen pa burocracia y e circunstancianan cu ta rondona e trustfund. Esaki a converti e sintimento do solidaridad den e reino na un gran decepcion”. Sinembargo Sint Maarten a demostra un bes mas su resistencia pa cuminsa un recuperacion economico na 2019. Jardim:” e economia a crece alrededor di 5.5 porciento aña pasa. Ta spera cu e economia di Sint Maarten recupera ainda mas na 2020.

Aunke esaki ta un recuperacion impresionante, e economia di Sint Maarten no a recupera completamente na e nivelnan previo di e horcan. No ta spera cu Sint Maarten ta yega e punto aki te final di 2020 si e ritmo aki continua.

Dialogo

“ E solidaridad mester a hiba na un recuperacion mas lihe y menos carga. E retraso di e pago di e ayudo y e echo cu e personanan solamente ta enfoca den e ingreso aki, sin mira otro opcionnan, por ta un problema permanente pa Sint Maarten”. Segun e presidente interino, esaki ta rekeri un dialogo habri y genuino, entre Hulanda y Sint Maarten pa asina logra un resultado viable na beneficio di e habitantenan di Sint Maarten.

Jardim tambe a señala cu e gobierno di Sint Maarten por avansa mas cu e propuesta di proyectonan pa e oficina Nacional di Recuperacion y Planificacion di un manera cu ta sea posibel obtene un acceso mas lihe di e fondonan tan necesario.