Recientemente, Banco Central di Aruba a duna informacion riba e desaroyonan monetario y financiero den segundo kwartaal di 2021. A nota un aumento den activonan stranhero neto.

Placa y credito

Den segundo kwartaal di 2021, e suministro di placa a expande cu Afl. 198.8 miyon na Afl. 5,056.3 miyon, compara cu e prome kwartaal di 2021 (Table 1). E aumento aki a resulta for di un aumento den activo stranhero neto (+Afl. 307.9 miyon) y un reduccion den activo domestico neto (-Afl. 109.1 miyon).

E contraccion den e componente domestico di e suministro di placa tabata e resultado di reduccion den credito domestico di Afl. 77.3 miyon y den partidanan no relaciona cu credito riba balance sheet di Afl. 31.8 miyon. E reduccion den e partidanan no relaciona cu credito riba balance sheet a resulta di un reduccion di ‘otro pasivo’ y aumentonan den ‘provision pa riesgo crediticio’, ‘capital contabel’, ‘instalacion y ekipo’ y ‘cuenta pa cobra y pagonan anticipa’. E contraccion den credito domestico tabata pa motibo di reduccion den e activonan neto di sector bancario riba sector publico (-Afl. 55.2 miyon) y e activonan di sector bancario riba sector priva (-Afl. 22.1 miyon). E activonan neto menor di sector bancario frente e sector publico tabata pa motibo di mas deposito di gobierno (+Afl. 39 miyon) y menos pasivonan menor (-Afl. 16.2 miyon).

E pasivonan menor di sector bancario riba sector priva tabata causa pa reduccion den prestamo na empresa (-Afl. 14.6 miyon), y credito di consumidor (-Afl. 11.2 miyon), y un aumento den hipoteca di vivienda (+Afl. 3.8 miyon).

Margen di interes

E margen di interes di banconan comercial (calcula como e diferencial entre e tasa di interes promedio pondera paga riba prestamo nobo y e tasa di interes promedio pondera ofreci riba depostivonan nobo) a aumenta cu 0.4 punto porcentual na 4.6 porciento den segundo kwartaal di 2021, ora ta compara cu e prome kwartaal di 2021 (Table 2). Esaki a resulta for di un aumento di 0.2 punto porcentual na 6.5 porciento den e tasa di interes promedio pondera riba prestamo nobo y un reduccion di 0.1 punto porcentual na 2 porciento den e tassa di interes promedio pondera ofreci riba depositonan nobo.

Institucionnan financiero no monetario
 E total agrega di e institucionnan financiero no monetario a aumenta cu Afl. 75.9 miyon of 1.6 porciento na Afl. 4,939.6 miyon, compara cu e prome kwartaal di 2021 (Table 3). E crecemento aki tabata causa pa un aumento den activonan stranhero neto (+Afl. 76.5 miyon) y un reduccion di pasivonan domestico (-Afl. 0.6 miyon). Di banda di liability, a registra Afl. 259.9 miyon pa otro componente (neto) compara cu Afl. 198.9 miyon den e kwartaal anterior. E provisionnan di fondo di pension y fondo di reserva di seguro a crece cu Afl. 19.6 miyon y Afl. 10.1 miyon, respectivamente, compara cu e prome kwartaal di 2021. E ‘prestamo y deposito’ a reduci cu Afl. 14.8 miyon.

Mercado di hipoteca
 Prestamo di hipoteca pa vivienda di e institucionnan financiero a expande cu Afl. 4.0 miyon na Afl. 2,026.8 miyon pa fin di juni 2021, compara cu fin di maart 2021 (Table 4 y Chart 3). E aumento aki a resulta di aumento den prestamo di hipoteca di vivienda di banconan comercial banks (+Afl. 3.7 miyon), fondonan di pension (+Afl. 1.8 miyon), y banconan di hipoteca (+Afl. 0.2 miyon).

Den contraste, prestamo di hipoteca di vivienda di companianan di seguro di bida (-Afl. 1.2 miyon) y otro institucion financiero (-Afl. 0.5 miyon) a reduci.

Pa fin di juni 2021, tabatin aumento den e share di mercado di banconan comercial (+0.5 punto porcentual) y banconan di hipoteca (+0.2 punto porcentual) compara na e segundo kwartaal di 2020. Den contraste, e share di mercado a contrae pa fondonan di pensioen (-0.4 punto porcentual y companianan di seguro di bida (-0.1 punto porcentual). E share di mercado pa e otro institucionnan financiero a keda mescos.