(AP) – Marcando su di 2 aniversario diaranson, e Banco Central Europeo ya caba ta proponiendo un diseño pa e version digital di e euro, respondiendo na presion di e tecnologia den desaroyo cu por cambia con ta usa placa durante e banco su proximo decadanan.
President di e banco Christine Lagarde a bisa cu e euro digital por ofrece un manera pa hende por cumpra cos sin mester depende riba proveedornan di servicio controla pa companianan cu no ta Europeo. Esakinan por inclui Mastercard, Visa, Apple Pay y Google Pay.
E Union Europeo su comision ehecutivo ta premira di crea un legislacion tocante e idea den e siguiente simannan segun e oficial, mientras e banco lo publica un propsocion detaya pa e diseño di e moneda digital den october.
Banconan central mundialmente, incluyendo e reserva federal di Merca, ta cautelosamente studiando monedanan digital mirando cu cada biaha pagonan of placa cash ta hala for di caminda pa duna paso na pagonan electronico. Algun economia mas chikito manera Nigeria, Bahamas y Jamaica ya caba a introduci monedanan digital, mientras cu China ta den e periodo di conduci testnan.
Banconan central tambe ta respondiendo na e aumento di criptomoneda, cual a trece preocupacion cu algun dia hendenan por scoge formanan rival di placa digital cu por surpasa e monedanan nacional.
Monedanan digital di un banco central lo ta un manera safe y stabil di pago, na diferencia di criptomoneda, cual tin un balor cu por disminui na cualkier momento. Union Europeo a bira e lider global den duna e aprobacion final siman pasa cu ta pone regla pa e sector di criptomoneda.
Mirando cu Europa ta considera su propio moneda digital basa na e banco, e pregunta mas grandi ta; Con esaki lo mehora loke ya caba ta disponibel pa e clientenan?”. Na esaki Philipp Sandner, e president di Blockchain Center na Frankfurt School of Finance & Management a contesta cu “ningun hende tin e contesta aki, nisikiera banco central.
