Banco Central Europeo a lansa medidanan enfoca di estimulo pa alivia e shock riba economia di e brote di virus, pero su presidente a bisa cu un politica monetario riba su mes no por hacie, y a pidi un respuesta ‘decisivo y determina’ di gobierno.
Presidente di Banco Central Europeo (ECB), Christine Lagarde a bisa cu economia ta enfrentando un ‘shock mayor’ y cu e medidanan cu ECB a revela ayera tabata ‘casi ciruhanamente’ enfoca riba areanan unda e politica monetario por yuda.
ECB, el a bisa, tabata determina pa duna sosten na cas y companianan enfrentando e interupcion economico y incertidumbre aumenta actualmente. Pero el a agrega cu un respuesta mas fuerte di gobiernonan di eurozone tabata necesario urgentemente pa preveni cu e eurozone cay den recesion. Ta rekeri un politica fiscal coordina rekeri pa sostene negoshi y trahadonan den riesgo”, un accion cu mester bin “den proximo simannan y no lunanan.”
Contestando si eurozone ta enfrenta un recesion, el a bisa cu ta depende ‘riba e velocidad y forsa di e maneho colectivo’ di tur actor. El a bisa cu e medidanan fiscal anuncia actualmente ta apenas 27 biyon euro, of alrededor di ¼ porciento di GDP.
Mercadonan financiero a sigui cay despues di anuncionan di ECB, cu indice di Stoxx Europe 600 cayendo 11.5% – su pio dia den historia – entre preocupacion global cu tin tiki cu autoridadnan por haci pa alivia e daño causa pa e brote di virus. Preocupacion a profundisa despues cu Merca a dicidi di stop biahe for di 26 pais Europeo.
ECB a bisa cu tambe ta dunando mas prestamo barata a largo plaso na banconan pa sigura cu nan tin e likides cu nan mester. ECB temporalmente lo alivia algun rekisito capital pa banconan pa yuda nan sigui duna prestamo. Tur tin como meta pa yuda negoshinan haya e financiamento cu nan mester y stimula actividad pa combati e downturn di tur e ceramento y restriccion relaciona cu brote di coronavirus.
ECB no a reduci interes manera hopi analista tabata spera. Interes ya ta abou, y economistanan a bisa cu mas corte no lo a yuda mucho.
