(CuraçaoChronicle) – Banco Central di Corsou y sint Maarten ta calcula cu e introduccion di ‘Caribbean Gulden’ (florin Caribense) lo keda completa den di dos mita di aña 2024. E moneda nobo aki lo reemplasa e Netherlands Antillean Guilder cu ta den circulacion desde aña 1952.
E introduccion di un moneda nobo a bira necesario den bista di e escaseznan cu ta premira den e varios denominacion di biyete y moneda di e florin Hulandes Antiano.
E compania cu ta print biyete y ta produci e Antillean Guilder a para produccion di esaki y otro companianan a indica cu nan no lo por produci e biyetenan aki basa riba e mesun specificacionnan, parcialmente pa causa di e funcionna di siguridadnan bieu cu e biyetenan aki tin. Pa motibo aki a bira necesario pa cambia e specificacion di e biyetenan aki, resultando den e actualisacion di esaki y den su turno causando cu mester produci biyetenan nobo pa cumpli cu e demanda.
Pa motibo cu e costonan di esaki y e efecto cu esaki lo tin den e transaccionnan ta comparabel na e introduccion di un moneda nobo, a bira logico cu lo mester introduci un moneda nobo segun e banco.
Con esaki lo mustra te ainda no ta conoci. Sinembargo nan lo ser crea den e siguiente denominacionnan; 5 florin, 1 florin, 50 cent, 25 cent, 10 cent, 5 cent y 1 cent. Pa cu e biyete nan, esakinan lo ta; 200 florin, 100 florin, 50 florin, 20 florin y 10 florin. E biyete di 250 florin lo keda reemplasa pa e biyete di 200 florin Caribense y e nota di 25 florin lo keda reemplasa pa e biyete di 20 florin Caribense.
E denominacionnan nobo ta mas den linea cu e practicanan di pago internacional, den e mesun caso di dollar y euro.
Cu e florin Caribense nobo, e intercambio di esaki cu dollar lo ta 1$ = 1,79 florin Caribense. E intercambio entre e florin Antiano cu e Florin Caribense lo ta 1:1. E balor di e florin Caribense lo ta ekivalente na e florin Antiano.
