Banco Central di Aruba (CBA) a tuma nota di un comunicado for di e Banco Central di Corsou y Sint Maarten (CBCS) data 7 di october, 2023 (PB 2023-033), titula “Update over herstructurering Ennia”.
Den e comunicado aki, CBCS a anuncia cu e lo dal bay cu un restart y lo traha riba un acuerdo den fase y controla di Ennia Caribe Leven N.V. (ECL) den e proximo simannan. Tambe a anuncia cu CBCS lo desaroya e scenario aki den colaboracion cu e gobiernonan di Corsou y Sint Maarten y cu “naturalmente, consideracion tambe lo ser duna pa con pa maneha e partinan saludabel di e gruponan di Ennia (…)”. Den e contexto aki, CBCS tambe ta menciona Ennia Caribe Schade (Aruba) N.V. y Ennia Caribe Leven (Aruba) N.V.
Pa loke ta traha e entidadnan di Ennia Rubiano, CBA ta nota cu ta necesario pa obtene permiso di CBA, prome cu tuma cualkier decision legal relata cu e entidadnan aki. E responsabilidad di CBA ta pa sigura e stabilidad di e institucionnan bao su supervision y e no lo duda pa tuma medida, sit a necesario, pa proteha e interes di e aseguradonan di entidadnan di Ennia Rubiano y pa actua contra partidonan cu ta actua sin permiso obteni for di CBA pa loke ta trata e entidadnan di Ennia Rubiano.
