Tumando na cuenta e diferente noticia cu a sali den medionan di comunicacion recientemente relaciona cu contribucion di solidaridad di institucionnan publico na e fondo di ‘Fase’, Banco Central di Aruba (BCA) ta haya importante pa informa lo siguiente.
A base di peticion di Gobierno di Aruba pa contribui na e fondo di ‘Fase’ door di boluntariamente corta den salarionan di gerencia y personal di BCA, BCA a dicidi, for di punto di bista di solidaridad, pa cumpli cu e peticion aki.
E suma cu a retene for di gerencia y personal di BCA desde di mei 2020 te cu november 2020, cual ta Afl. 377.000, y di december 2020, lo wordo deposita riba e cuenta cu Gobierno di Aruba a asigna specificamente pa e proposito aki na fin di december 2020.
