Si den algo e crisis politico a causa impacto den economia nacional ta e cotisacion di peso: e divisa a baha bek compara cu e dollar diaranson pasa, dia 13 di november, na un nivel cu hamas a ser bisto den historia di e pais.
E moneda Chileno a cera na 795,5 peso pa dollar, kier men 1,7% mas halto cu e 781,71 peso di e jornada anterior, loke a motiva e intervencion di Banco Central de Chile (BCCh), cu a suministra 4.000 miyon dollar pa facilita e likides di e sistema financiero.
Ta trata di un ‘programa preventivo’ pa ‘disminui tension eventual cu lo por produci na mercado financiero, ora ta combina e reciente acontecimento social cu e likides menor cu usualmente ta observa den etapa ultimo di aña’ BCCh a expresa den un comunicado.
Lo a cuminsa implementa e medida desde ayera, dia 14 di november te dia 9 di januari di proximo aña.
E historico subida di dollar tambe ta afecta e bolsa, cu su indice principal IPSA a registra diamars pasa un caida di 3,6%. E di dos mas grandi desde e inicio di e protestanan y ta acumula desde e explosion di e crisis social un caida di 12,5%.
Minister di Finanzas di Chile ya caba a adverti diamars pasa di e ‘consecuencianan grave’ pa economia di tres siman di violento disturbio, loke pa e funcionario ta ‘un señal cla di preocupacion’.
Tres siman di welga, marcha, daño pa propiedad y transporte publico, segun e hefe di Finansa, a costa economia casi 3.000 miyon dollar.
