(NLTimes)—Aña pasa, 3,271 compania a bay bancarota na Hulanda, segun oficina di estadistica Hulandes (CBS) ta reporta a base di cifranan preliminar. Esey ta 52% mas compara cu na 2022, ora bancarotanan tabata abao ainda durante e comienso di e medidanan di apoyo contra coronavirus di gobierno. E cantidad di bancarotanan tabata mas abao compara cu 2019, den e ultimo aña completo prome cu e pandemia.
Bancarotanan na Hulanda a peak na 9,431 durante e crisis di euro na 2013. Nan a yega na un punto abao di 1,818 na 2021. “E hecho cu relativamente un par compania a declara bancarota durante tempo di coronavirus no por ser mira separa for di e apoyo di emergencia di gobierno,” CBS a bisa. E oficina a keda registra e cifra aki desde 1981.
Mensualmente, e cantidad di bancarota a yega un record abao di 109 na augustus 2021. Desde mei 2022, bancarotanan a keda continuamente halto compara cu e mesun luna un aña prome. Na december, 91 compania mas a bay bancarota compara cu november, cual ta aumento di 30%.
Manera den añanan anterior, e sector di comercio tabatin e mayoria bancarota na 2023 cu 682. E industria di construccion a sigui cu 470. Ambos ta sectornan grandi na Hulanda cu hopi compania. Casi tur industria a mira mas bancarota aña pasa compara cu 2023. E aumento tabata mas fuerte den comercio y construccion.
Tur provincia na Hulanda tambe a registra mas bancarota na 2023 compara cu 2022. E aumento mas grandi tabata na Noord-Brabant, cu 270 compania. E provincianan di Zuid-Holland (625), Noord-Brabant (603) y Noord-Holland (567) tabatin mas bancarota aña pasa. Nan tambe tabatin mas compania compara cu otro provincianan.
