(AP) – Bam Margera mester presenta na huicio den caso unda ta acusa su persona di a dal su urman homber un mokete durante un discusion na Philadelphia, hues a declara diahuebs despues di a ordena su persona pa pasa door di test di alcohol y droga pa permanece den libertad.
Margera, ken tin 43 aña di edad a declara su mes inocente na e acusacionnan aki, cual ta inclui asalto simpel ydi a haci menasanan terorista. E ta bao libertad actualmente y diahuebs a bisa cu e tin e aña aki bao tratamento di droga y alcohol y ta bibando cu Lamar Odom.
“Mi no ta purbando di causa problema p’e. Mi kier pa e ricibi ayudo pa motibo cu mi ta sinti cu esaki ta nos ultimo oportunidad,” Margera su ruman homber Jess Margera a bisa ora di testigua tocante loke el a yama 2 decada di comportamento preocupante di su ruman homber, cual a escala durante un “bishita di dos siman espantoso” den april.
El a bisa cu Bam, ken tabata disgusta un diadomingo mainta despues di a mira un mensahe cu a sugeri cu e tin mester di tratamento pa su salud mental, a dal su persona un mokete den nanishi y orea. Jess su pareha a yama polis despues cu Bam a scop su porta di camber tambe. “Mi no sa ki nso ta haciendo kinan,” abogado Michael van der Veen a bisa. “Esaki ta un desacuerdo entre 2 ruman homber un diadomingo mainta.”
El a argumenta cu e rumannan homber hopi biaha ta haci esaki pa camaranan. E magistrado a rechasa e argumento aki, notando cu no tabatin camara na e momentonan ey. E fiscalnan a keda di acuerdo pa retira dos di e 4 acusacion di menasa terorista. Ni e ruman homber ni e fiscalnan a sugeri cu e tin acceso na un arma di candela pa por cumpli cu su menasanan.
Pa fin di e audiencia, ambos banda tabata parce mas interesa den sigura cu e lo permanece bao tratamento. “Nos kier sigura cu bo ta safe, sigur y bibo,” Hues Albert Iaccocca, ken a puntra kico a motiva su persona pa drenta tratamento e aña aki, na cual Bam Margera a contesta “pa por wak mi yiu Phoenix, ken tin 5 aña.”
Margera, ken a participa den e serie di MTV “Viva La bam”, a skirbi riba rednan social despues di su aresto cu e acusacionnan “no ta berdad,” y e rumannan homber a menasa di demanda otro a causa di e conflicto.
“Mi no ta worry cu e placa,” Jess Margera a bisa. “Mi ruman homber ta un bon hende ora cu e no ta den e problemanan aki. Mi no ta kere e lo causa daño ni a un musca. Ta e situacion e ultimo dianan aki ta preocupante.”
