Un total di 127 piscado di Republica Dominicana a yega na e pais desde Bahamas, unda nan a keda varios luna deteni, despues di ta acusa di piscamento ilegal, e Cancilleria di Dominicana a informa ayera.
Di e grupo, 120 tabata deteni desde dia 13 di october di 2018, ora nan a keda deteni pa e Real Defensa di Bahamas (RBDF, siglanan na ingles) cerca di Cayo Lobo, cerca di Cuba.
Segun e relato di RBDF, Warda Costa Mericano a observa tres barco cerca di Cayo Lobo y ora e autoridadnan di Bahamas a purba di detene nan, e Dominicanonan a cuminsa un tiramento y nan a ricibi e mesun contesta di RBDF, sin persona herido como resultado. E otro shete piscado a ser deteni den e transcurso di 2013, di acuerdo cu un comunicado di e Cancilleria.
E piscadonan a yega ayera na Puerto Plata, unda e mayoria ta pertenece, den e barco ‘Don Agustin’ e informacion a agrega, cu ta destaca e esfuerso di autoridadnan local y di Asociacion di Propietario di Barco di Pisca di Puerto Plata pa logra e libertad di e piscadonan,
Famia di e detenidonan a solicita pa autoridadnan local activa e tramite, den e sentido di denuncia cu e piscadonan tabata acumula na Bahamas. Di acuerdo cu un comunicado di e Cancilleria, na Bahamas a bisa cu e tres tripulante di e barconan deteni na october ta keda aresta.
