Bad Bunny a join Crocs y lo estrena un linea mañan, dia 29 di september. Prome cu mundo mester a keda cera pa via di e virus, Benito Antonio Martinez Ocasio, nomber berdadero di e reggaetonero, a estrena ‘YHLQMDLG’; despues durante cuarentena, el a estrena ‘Las que no iban a salir’. Awo, el a haya un forma nobo pa ehecuta su arte.
E Portoriqueño a join e conocido marca di sapato di plastic, y mañan lo tin un version nobo di e sapato ‘Classic Clog’, cual lo ta dorna cu dibuhonan inspira riba dje, manera un conenchi, un candela, Saturno, y cu ademas ta briya den scuridad. E empresa a declara mediante un comunicado di prensa cu e linea nobo aki lo inspira nostalgia den publico debi na e dibuhonan cu ta utilisa.
“Ta similar na e dak y muraya di un scol bieu formando un galaxia briyante cu ta extende den anochi, dunando back e nostalgico comodidad di bo camber di mucha, un tema cu tabatin n rol importante den diseño di e colaboracion aki.”
E cantante di 26 aña di edad a declara su mes fanatico di e marca, y den e mesun comunicado a splica cu e ta spera di por influencia mas hende pa explora estilonan cu ta haci nan feliz. “Como fanatico pa hopi tempo, crea mi propio diseño pa Crocs tabata hopi dibertido. Mi ta spera cu lo inspira otronan diberti den nan propio manera cu e estilo personal cu ta haci nan feliz”, a destaca e maximo interprete di trap Latino.
