(LiveScience)—Tres hende na New York y Connecticut a muri recien for di un infeccion bacterial “comedo di cuero”, segun oficialnan di salud a anuncia.
E infeccion ta causa pa un bacterium yama Vibro vulnificus, cual ta biba den awanan salo. E microbio y su primo den e gene Vibrio ta aparece mas frecuente entre mei y october. Hende por haya contacto cu e bacteria ora nan landa cu heridanan habri of ora nan come animalnan di cocolishi, manera oyster.
Pero mientras cu un docena di especie di Vibrio por causa malestar relativamente light den humano, solamente V. vulnificus por causa infeccionnan severo cu por resulta cu e bacteria ta come e cuero di e herida habri. Medicamente conoci fasciitis necrosante, infeccionnan asina ta causa cu e cuero rond di e herida ta cuminsa muri. Un calculacion di 1 den 5 hende infecta cu e bacterium ta muri, frecuentemente dentro di un of dos dia despues di infeccion, CDC ta adverti.
Den un declaracion publica diaranson, oficialnan di salud na New York a anuncia cu V. vulnificus a ser identifica den un persona recien fayecido for di Suffolk County na Long Island. E morto di e residente aki ta sigui tres infeccion di V. vulnificus cu a ser reporta recien na Connecticut. Entre 1 y 28 di juli, e Departamento di Salud Publico na Connecticut a haya notificacion di tres infeccion den residente entre 60 pa 80 aña di edad. Tur tres hende a ser hospitalisa, y desde diamars, dos a muri, segun Associated Press a reporta.
E departamento a reporta cu dos di e casonan na Connecticut a resulta for di individualnan landando cu heridanan habri den e awanan salo di Long Island Sound, un curpa di awa situa entre Connecticut y New York. E tercer caso tabata conecta na e persona consumiendo oyster curu na un establecimento pafo di e estado; e oysternan no a ser cultiva for di Long Island Sound.
Pa preveni infeccion di Vibrio, hendenan cu heridanan of piercing/tattoo recien haci mester preveni cu nan drenta den e awanan sali riba costa, of cubri nan heridanan cu tipnan waterproof, segun e departamento di New York a conseha. Esnan cu sistemanan di immuun zwak mester preveni di come seafood curu.
