E regreso pa e armanan anuncia pa un grupo di ex-lider di FARC ‘no ta e respuesta’ pa e retraso den implementacion di algun aspecto di acuerdo di paz na Colombia, e Halto Comisionado di ONU pa Derechonan Humano, Michelle Bachelet a bisa ayera.
Tampoco ta e ‘man duro’ cu Gobierno kier demostra den reaccion pa e anuncio ey, el a agrega den un conferencia di prensa cu a ofrece pa motibo di e cumplimento di un aña di su mandato.
Un pregunta tocante e momento cu e proceso di paz ta atravesa na Colombia, el a bisa cu ta spera cu tur e parti cu ta implica por regresa pa e ‘racionalidad’ continua cu esfuerso di paz.
E organismo cu Bachelet ta dirigi tin un rol importante den e cumplimento di e acuerdo ey, ‘cu responsabilidad hopi concreto durante al menos ocho aña’.
Di otro banda, el a recorda cu esunnan cu a anuncia cu lo bolbe na e conflicto a participa den e negociacion y nan tabata di acuerdo cu e resultado di e pacto di paz. Tambe a menciona den particular e caso di Iván Márquez, ken a comunica e regreso pa e armanan despues cu tabata un negociado principal di e acuerdo.
Den e situacion aki, Bachelet a insisti pa e autoridadnan pa apoya ainda mas e transicion di e ex-combatiente na bida civil y pa nan sigura cu e activistanan di derecho humano por cumpli cu nan trabou sin miedo.
