No ta solamente humano cu por beneficia di realidad virtual. Criadonan di baca den area di Moscu a modifica ekiponan di realidad virtual pa mira su e ta mehora e humor di e bacanan – y por supuesto, nan produccion di lechi.
E proyecto a pone e bacanan den un campo di berano simula, cu colornan adapta na e wowo di e animalnan, dunando nan decididamente un miho bista cu un granja simpel y cera. Y en berdad, e aparatonan ta adapta na e ‘caracteristicanan structural’ di cabes di e bacanan, pa nan por mira bon.
E ta parce di funciona, sikiera na un nivel basico. E prome test a reduci e nivel di ansiedad di e bacanan, y mehora nan sentimento en general. Mientras no ta sigur con bon e efecto di esaki lo ta riba e calidad of volumen di lechi, tin plan pa un estudio mas ‘comprensivo’ pa contesta e pregunta aki.
Sinembargo, e investigacion ta lanta algun pregunta. Pakico no djis pone e bacanan riba campo di berdad? Con ta maneha e bateria? Tin riesgo di trastorna e bacanan ora di retira e aparato y mustra nan e realidad berdadero? Den un sentido, ta un solucion na un problema cu ser humano a crea. E problemanan aki un banda, esaki por ta un opcion pa criaderonan unda no tin campo disponibel, of unda tecnica existente (manera musica agradabel) no ta efectivo.
