(AP) – Dokternan di Duke University a bisa cu un baby ta mehorando despues di un transplante di curason prome di su tipo, uno cu a bini cu un tecnica extra pa purba preveni e rechaso di un organo nobo.
E ‘thymus’ ta hunga un rol importante den e desaroyo di e sistema inmunologico. Dokternan tin hopi tempo pa pensa si e implantacion di un thymus cu ta mescos cu e organo duna den donacion lo yuda esaki sobrevivi sin cu e pashent mester bebe medicinanan anti-rechaso cu ta toxico.
Easton Sinnamon di Asheboro, North Carolina, a ricibi e transplante unico aki tempo cu e tabatin 6 luna di naci. Sinembargo Duke a warda pa anuncia esaki, y a dicidi di haci esaki dialuna despues cu dokternan a mira cu e implante di thymus specialmente procesa ta aparenta di funciona di e manera cu nan a spera, produciendo celnan pa e sistema inmunologico cu no ta trata e curason nobo como un organo stranhero.
Dokternan eventualmente lo purba baha e cantidad di medicinanan pa retene e sistema inmunologico cu Easton ta tumando, segun Dr. Joseph Turek, Duke su hefe den cirugia cardiaco pediatrico.
E investigacion te ainda ta den su fase principal y ta solamente un metodo cu e cientificonan ta mirando cu speransa di produci loke nan ya yama un tolerancia inmunologico na un transplante.
Turek a expresa cu si esaki funciona, nan lo purba di haci esaki cu otro organonan tambe y no solamente e curason.
