Ayera den oranan di mainta trempan, na Pasa Dushi Pasa Pret peuterschool na Wayaca a tuma lugar un suceso hopi lamentable den cual un baby di apenas cuatro luna di edad a fayece.
E persona cu ta cuida e muchanan na e peuterschool durante mainta a constata na dado momento cu un baby a stop di hala rosea. Mesora a bati alarma, na unda a mobilisa varios unidad di ambulance, rapid responder, y hasta hefe di ambulance a presenta, pa asina cuminsa cu e trabaonan necesario di reanimacion.
Polis tambe a presenta pero debi cu e situacion tabata delicado pa e criatura, un mucha homber, cu a stop di reacciona. Personal di emergencia a bay cu e baby na hospital cu urgencia, asina mes bao reanimacion.
Na yegada na hospital, dokter di mucha a constata cu lamentablemente no por haci nada mas y pa 9:20 a constata morto di e baby N.E naci na Aruba di 4 luna.
