Polis a kiebra bentana di un auto cera pa asina por saca un baby di algun luna y un mucha di 3 pa 4 aña cu tabata eyden sin supervision di nan mayornan. Aparentemente e mayornan tabata den lama y a dicidi di laga nan yiu den auto cera, banda di e ex hotel Bushiri.
Preocupa cu nan salud pa motibo cu e auto ta cera y e calor, polis yuda pa miembronan di Arrestatie Team a dicidi di forsa drenta e vehiculo. Ora brandweer a yega no tabatin mester mas di nan ayuda pasobra a logra di saca e muchanan caba. Nan a yama ambulance y despues di a controla e muchanan na sitio mes, a constata cu nan ta den bon salud. Aparentemente nan no a keda mucha den auto, mas o menos un mey ora so.
E noticia a lanta un ola di comentario negativo si den e medionan di comunicacion social, halando entre otro atencion riba casonan similar cu hasta consecuencia fatal pe muchanan laga atras den auto cera.
