(NLTimes)—Azeta cual a sospecha di a bin for di un barco cu a bolter riba costa di Tobago na comienso di luna a afecta e costa di Boneiro, aproximadamente mil kilometer leu. Pisca- y parhanan cubri den azeta a ser descubri riba e tera di lama na e banda oost di e isla na comienso di siman, segun NOS ta reporta.
Autoridadnan no ta considera esaki como un desaster ambiental ainda, pero e parti Caribe di Hulanda ta preocupa. Hefe di waf na Boneiro, Gunther Flanegin, a tuma accion mesora ora a haya sa cu varios lama na Boneiro tabata contamina.
E isla ta uzando boto- drone y satelitenan pa determina e extento di e daño. Baricadanan flotando a ser instala pa preveni mas plamamento di e azeta, aunke nan mustra di ta insuficiente pa por para e azeta. Trahadornan di emergencia y limpiadornan tabata trahando pa limpia e plamamento. Si e situacion aki sigui deteriora, gobierno lo mester tuma mas medida.
E gobierno Boneriano a conseha residente- y turistanan pa keda leu for di e lamanan contamina. “Ta dificil pa controla exactamente con hopi azeta lo sigui plama riba nos costa,” un vocero local a conta e locutor. Ta parce cu e contaminacion a bin for di e barco Gulfstream, cual a bolter riba e costa di Tobago na comienso di februari. E tabatin 35,000 bari di azeta crudo. E tin tres siman ta leak azeta den e ocean.
