Azeta di coco diariamente ta wordo considera manera un alternativa saludabel compara cu manteca of otro tipo di azetanan cu ta wordo uza pa cushina. Sin embargo, e nutricionistanan ta bisa cu e por ta miho di limita e uzo di azeta di coco.

No, e azeta di coco no ta bon pa bo

E azeta di coco ta contene banda di 90% di vet satura, cu ta hopi mas cu 64% di vet satura cu ta wordo haya den manteca. Come demasiado vet satura, por eleva e nivelnan di colesterol, loke ta aumenta e riesgo di enfermedad cardiaco y accidente cerebrovascular. Tambe nos sa cu e azeta di coco ta eleva e nivelnan di colesterol mas cu otro azetanan di origen vegetal manera e azeta di olive y esun di sesami.

E vetnan satura ta solido na temperatura di ambiente y ta bira likido ora nan ta meld. “Pensa den esey ta dentra bo curpa manera un likido y despues converti den e solido ey den bo arterianan” Colleen Christenson ta bisa, dietista y nutricionista registra. “Esaki ta esencialmante e base pa loke ta recomenda di evita e ingesto di vetnan satura den excesivo”.

E azeta di coco tambe ta un alimento rico den calorianan, loke ta nifica cu si bono consumi esaki cu moderacion, lo por provoca un aumento di peso. E vetnan ta contene 9 calorianan pa gram, cu ta hopi mas halto cu e proporcion cu ta wordo haya den e carbohidratonan den e proteinanan, cu ta contene 4 calorianan manera gram.

Dicon hende ta pensa cu azeta di coco ta bon pa bo curason

A pesar di su contenido halto di vetnan satura, tin algun motibonan cu dicon e hende nan ta pensa cu azeta di coco ta un azeta saludabel.

E motibo principal ta cu e azeta di coco ta contene triglicerido di cadena medio (MCT) un tipo di vet cu ta wordo haya den e azeta di coco. MCT tin un composicion kimico diferente na otro vetnan, loke ta nifica cu bo curpa ta procesa esaki di manera diferente. E MCT tin 6 te cu 12 atomo di carbono, cu ta menos cu e triglicerido di cadena largo (LCT) mas comun di 12 te cu 18 atomo di carbon.

“E MCT por digeri y absorbe mas rapidamente e otro vetnan y por lo tanto e por wordo uza manera un fuente di energia mas inmediato”, Melissa Rifkin ta bisa, MS, RD,CDN, dietista cu sede den e ciudad di New York.

Debi na cu e ta mas probabel cu ta almacena manera vetnan debi na con e ta wordo digeri y absorba, e ta mesnos probabel cu e MCT afecta e nivelnan di LDL (colesterol malo) den e sanger”, Rifkin ta bisa.

Sin embargo, a pesar di su beneficionan, e azetanan di coco cumpra den supermarket solo ta contene banda di 54% di MCT, Rifkin ta bisa. Ademas, e composicion kimico di e MCT utilisa den e investigacion tin un ser diferente na loke ta wordo haya den e azeta di coco.

“Hopi di e azetanan MCT utilisa den estudionan clinico tin 8 na 10 cadenanan di carbono, mientras cu esunnan di e azeta di coco normal tin 12. E composicion ta haci e azeta di coco cu nos ta uza pa cushina bira bastante diferente di e estudionan cu ta utilisa e azeta MCT” Christensen a bisa.

Aunke e azeta di coco tin algun MCT, no tin suficiente pa obtene su beneficionan pa e salud y anula e consecuencianan negativo asocia cu su contenido halto den vetnan satura.

E azeta di coco ta yuda bo sinti mas yen pa un largo tempo

Aunke azeta di coco por ta un alimento no tan saludabel, manera e mayoria di hende ta pensa, tin algun beneficionan pa salud, na sa, su capacidad pa mantene satisfecho pa mas tempo, loke por yuda bo perde peso.

E vetnan ta mas dens den calorianan cu e mayoria di e alimentonan, por loke come esey durante e cuminda por yuda bo mantene yen den comparacion cu un cuminda rico den carbohidrato. Aumenta e ingesto di MCT tambe por yuda controla e hamber.

Sin embargo, ciertamente no mester, “Agrega na tur cos pensando cu e vet magico pa e perdida di peso y salud”, Lisa Defaizo a bisa, nutricionista dietista registra cu sede den California.

Pa kies e azeta di cushina mas saludabel, opta pa esunnan cu tin un cantidad halto di vetnan monoinsaturadas y poliinsaturadas y bou den cantidadnan di vetnan satura.

Algun ehempelnan di alternativanan a base di e matanan pa e azeta di coco ta inclui :

Azeta di canola : e azeta aki ta contene acido nan graso omega-3 y omega-6 cu por yuda reduci e colesterol y alivia e inflamacion. E azeta di canola tin 62% di vetnan monoinsaturadas 32% di vetnan poliinsaturadas y 6% vetnan satura.

E azeta di Virgin olive : e vet aki ta contene un concentracion halto den polifenolo. E polifenolo ta antioxidantenan natural cu ta reduci y retrasa e progesion di cierto afeccionnan cronico di salud, manera enfermedadnan cardiacovascular o neurodegenerativas. E azeta di oliva ta contene 77% di vetnan monoinsaturadas, 9% di vetnan poliinsaturadas y 14% di vetnan saturadas.

Azeta di sesami : e azeta aki ta rico den lignano, cu ta nutrietenan vegetal cu propiedadnan antioxidantenan, cu ta posibel ta reduci e riesgo di enfermedadnan cardiaco y algun cancer nan. E azeta di sesami tin 40% di vetnan monoinsaturadas, 46% di vetnan poliinsaturadas y 14% di vetnan saturadas.

Pa hiba manera informacion privilegia

Si ta bon hopi hendenan ta pensa cu e azeta di coco ta un vet saludabel, den realidad e por aumenta e nivelnan di colesterol y provoca un aumento di peso. Aunke ta contene MCT beneficioso, no ta contene nan den e mesun porcentahe halto cu ta wordo uza den e investigacion, loke ta nifica cu no lo tin e mesun beneficio pa e salud. Por lo tanto, e ta miho cambia e azeta di coco door di otro azetanan di origen vegetal manera e azeta di oliva of di canola.