Den su resumen diario riba e desaroyonan di e pandemia di coronavirus na Aruba, Departamento di Salubridad Publico DVG a indica cu ayera a registra 28 caso nobo di e malesa causa pa e virus SARS-CoV-2, di cual 9 no ta residente y 20 ta residente.
Segun DVG, e cifranan aki ta representa un tasa di positividad entre nos residentenan di 19 porciento.
E cantidad di caso activo pa ayera tabata 269 y e cantidad di fayecido relaciona cu Covid-19 tabata 158.
Datonan di DVG ta ilustra casonan nobo di Covid cu un averahe semanal di 24 caso pa dia y un averahe di tasa di positividad semanal di 11 porciento pa dia.
Actualmente, tin na Aruba 22 persona hospitalisa pa Covid-19, di cual 7 ta den Unidad di Cuido Intensivo ICU, y 13 ta riba piso general. Ademas na Colombia tin 23 pashent di Aruba hospitalisa den ICU.
