Globalmente tin 50 especie di Sternchi di cual 20% ta reproduci ariba Aruba. Ariba mundo tin algun caminda unda cu 5 especie di sternchi sa reproduci mientras cu na Aruba tin 10. Esaki ta haci nos posiblemente e unico caminda unda cu esaki ta sucede.
Na 2007, e rifnan di San Nicolas a wordo declara Area di Parha Globalmente Importante (Globally Important Bird Area) pa BirdLife International door di nan concentracion halto di Noddy Bruin y Preto, Sternchi Pecho Ros, Sternchi di Rey, Sternchi Chikito, Sternchi Comun, Sternchi Bata preto, Sternchi Bril, Sternchi Grandi, y Cayenne Terns, cual ta diferente tipo di Sternchi.
Alrededor di 20 porciento di tur Cayenne Terns, 40 porciento di Noddy Preto, y 60 porciento di e Sternchi Comun di henter mundo ta reproduci den ariba nos isla.
Ta estima cu 6,600 pareha di Sternchi Bata Preto y 5,000 di Cayenne Terns ta reproduci na Aruba.
A lo largo di henter nos costa noord e Sternchi Chikito, Sternchi Comun y Sternchi Pecho Ros ta reproduci.
Aruba su teritorio ta di suma importancia pa e especie di parha aki globalmente. Ban siña conoce y aprecia nos naturalesa pa por dun’e e trato cu e merece!
