Cruz Cora ta manda su ultimo carga cu productonan di ayudo pa St. Maarten awe (riba potret).
Esaki nan por haci cu ayudo comunidad di Aruba, nan ta bisa, esta di clubnan di servicio, organisacionnan, instancianan, scolnan, whole salers, hotelnan, supermercadonan, restaurantnan y otro companianan. “Cruz Cora Aruba ta yama danki na un y tur cu for di momento di e desaster na St. Maarten a haci donacion di producto pa asina por a manda asistencia di e forma ey isla ariba.”
E instancia ta bisa cu hende ainda por duna, esta via un donacion riba e cuentanan di banco di emergencia special pa yuda cu tur trabou y material na St. Maarten: Aruba Bank # 038.401.0390 y Caribbean Mercantile Bank # 641.733.07.
Manera conoci Hulanda ta lanta un fondo pa yuda reconstrui e pais. Sinembargo nan no kier duna St. Maarten e placa directo pero den un fondo supervisa pa nan y otro paisnan den Reino tambe.
